Juventus ​ចាញ់ Atalanta ​៣-០ ​គួរ​ឱ្យ​ភ្ញាក់ផ្អើល​

កាល​ពី​យប់មិញ​នេះ​ក្នុង​ពាន​រង្វាន់ Coppa Italia ​ក្រុម Atalanta ​បាន​ទម្លាក់​ក្រុម Juventus ​ចេញ​ពី​ពាន​រង្វាន់​នេះ​ក្នុង​លទ្ធផល ​៣-០ ​យ៉ាង​គួរ​ឱ្យ​ភ្ញាក់ផ្អើល។

​Juventus ​ជា​ក្រុម​ការពារ​តំណែង​ជើង​ឯក​ពាន​រង្វាន់​នេះ។ យ៉ាងណាមិញ ​ពួកគេ​បាន​ធ្លាក់​ចេញ​បាត់​ទៅ​ហើយ​កាល​ពី​យប់មិញ ​ត្រឹម​វគ្គ​៨​ក្រុម​ចុង​ក្រោយ​ប៉ុណ្ណោះ ​ក្រោម​ថ្វី​ជើង​របស់​ក្រុម Atalanta ​។ ​សេះ​បង្កង់​បាន​ដាក់​កីឡាករ​ពេញ​ជើង​ដែរ ​មាន​ទាំង Cristiano Ronaldo ​ទៀត ​ប៉ុន្តែ​លទ្ធផល​នៃ​ការ​ប្រកួត​ហាក់​មិន​គាប់​ប្រសើរ​ឡើយ ​ដោយ​ចាញ់​យ៉ាង​អាម៉ាស់​ដល់​ទៅ​៣-០ ​ឯ​ណោះ។

ដោយ​ឡែក​ការ​ឈ្នះ​នេះ​ដែរ ​ក៏​ជា​លើក​ដំបូង​សម្រាប់​ក្រុម​ម្ចាស់​ផ្ទះ Atalanta ​ផង​ដែរ ត្បិត​អី​ពួកគេ​ធ្លាប់​ឈ្នះ​ក្រុម Juventus ​នេះ​តាំង​ពី​ឆ្នាំ​២០០៤​ម្ល៉េះ។ ​ដោយ​គ្រា​នោះ​ពួកគេ​ឈ្នះ ២-០ ​ក្នុង​ពាន​រង្វាន់ Italian Cup ៕ប្រភព៖ Dailymail

ភ្ជាប់ទំនាក់ទំនងជាមួយ CTS SPORT