ក្រុមកាតា បានឡើងទៅវគ្គផ្ដាច់ព្រ័ត្រ AFC Asian Cup 2019 ហើយ ក្រោយពីយកឈ្នះក្រុមម្ចាស់ផ្ទះ អារ៉ាប់រួម ៤-០ នាការប្រកួតវគ្គពាក់កណ្ដាលផ្ដាច់ព្រ័ត្រ។
ក្រុមកាតា ពិតជាខ្លាំងមែនទែន ដោយអាចបំបាក់ក្រុមម្ចាស់ផ្ទះបានច្រើនគ្រាប់យ៉ាងនេះ។ ប៉ុន្តែទន្ទឹមគ្នានឹងការស៊ីមិនប្រណីនេះដែរ ក្រុមអ្នកគាំទ្រខាងអារ៉ាប់រួមក៏បានបង្ហាញកាយវិការមើលងាយដល់ក្រុមកាតាផងដែរ។ ក្នុងនោះ ពួកគេបានគប់ដបទឹកសុទ្ធ និងស្បែកជើងចូលទីលានក្រោយពីខាងកីឡាករកាតា រកគ្រាប់បាល់បាន។
ការគប់ដបទឹកសុទ្ធ និងស្បែកជើងនេះ ខាងក្រុមអារ៉ាប់រួម អាចនឹងទទួលបានការពិន័យពីខាង AFC ត្បិតអីនេះជាការបង្ហាញពីការរើសអើងជាតិសាសន៍របស់ប្រទេសមួយៗ។ ត្រលប់ទៅការប្រកួតវិញ ក្រុមកាតា ក្រោយពីឈ្នះប្រកួតយប់មិញនេះហើយ នឹងត្រូវប៉ះជាមួយក្រុមជប៉ុននៅវគ្គផ្ដាច់ព្រ័ត្រនៅថ្ងៃសុក្រសប្ដាហ៍នេះ៕ប្រភព៖ Foxsportsasia
