• ចាញ់​យប់មិញ Man City ​កាន់​តែ​ឆ្ងាយ​ពី Liverpool ​ហើយ​

    ក្រុម Manchester City ​បាន​បរាជ័យ​ក្រោម​ថ្វី​ជើង Newcastle United ​ក្នុង​លទ្ធផល ​២-១ ​នា​ការ​ប្រកួត​លីគ​កំពូល​អង់គ្លេស​សប្ដាហ៍​ទី​២៤។

    ក្នុង​ការ​ប្រកួត​នេះ​ដែរ Aguero ​ស៊ុត​ចូល​តាំង​ពី​នាទី​ទី ១ ​បើក​ឆាក​ការ​ប្រកួត ប៉ុន្តែ​ក្រុម​របស់​លោក Pep ​បែរ​ជា​ភ្លាត់​ចាញ់​ក្រុម Newcastle ​វិញ​នៅ​តង់​ទី ២ ​ដោយ​របូត​គ្រាប់​បាល់​ដល់​ទៅ​២​គ្រាប់​វិញ​ឯ​ណោះ។ នេះ​ជា​បរាជ័យ​ធំ​មួយ​សម្រាប់​ក្រុម Man City ​ព្រោះ​ថា​ពួកគេ​ចាញ់​ពិន្ទុ​ក្រុម Liverpool ​៤​ពិន្ទុ ​ហើយ​ប្រសិន​បើ​ Liverpool ​ឈ្នះ​យប់​នេះ​ទៀត ​នោះ​គំលាត​ពិន្ទុ​នឹង​ឈាន​ឡើង​ដល់​៧​ពិន្ទុ​ហើយ។

    លោក Benitez ​អ្នក​ចាត់ការ​ក្រុម Newcastle United ​បាន​បញ្ជាក់​ថា​ឈ្នះ​ក្រុម Man City ​នេះ គឺ​ជា​រឿង​មួយ​ដែល​សប្បាយ​ចិត្ត​បំផុត ព្រោះ​ថា​មិន​ងាយ​មាន​ក្រុម​ណា​អាច​យក​ឈ្នះ

    លើ​ក្រុម​ខ្លាំង​នេះ​បាន​ទេ។ មុន​ការ​ប្រកួត​លោក​រំពឹង​យក​បាន​ត្រឹម​១​ពិន្ទុ គឺ​សប្បាយ​ចិត្ត​ណាស់​ទៅ​ហើយ ប៉ុន្តែ​ជាក់​ស្ដែង​បាន​៣​ពិន្ទុ​វិញ គឺ​ជា​រឿង​អស្ចារ្យ​បំផុត៕ប្រភព៖ Dailymail

    ភ្ជាប់ទំនាក់ទំនងជាមួយ CTS SPORT