ប៉ាឡេស្ទីន គំរាម​ដុត​អាវ​និង​រូបភាព Messi ​ចោល ​ប្រសិន​បើ​គេ​លេង​ទល់​ក្រុម​អ៊ីស្រាអែល

សហព័ន្ធ​កីឡា​​បាល់ទាត់​ប៉ាឡេស្ទីន ​បាន​ប្រាប់​ដល់​អ្នក​គាំទ្រ​វិស័យ​បាល់ទាត់​របស់​ខ្លួន​ថា ​សូម​ឱ្យ​ដុត​អាវ​និង​រូបភាព​របស់ Lionel Messi ​ប្រសិន​បើ​កីឡាករ​រូប​នេះ ​និង​ក្រុម​អាហ្សង់ទីន​ទៅ​លេង​បាល់​ទល់​ក្រុម​អ៊ីស្រាអែល​នៅ​ Jerusalem។

ក្រុម​ជម្រើស​ជាតិ​អាហ្សង់ទីន ​នឹង​ទៅ​លេង​មិត្តភាព​ជាមួយ​ក្រុម​ជម្រើស​ជាតិ​អ៊ីស្រាអែល ​នៅ​ចុង​សប្ដាហ៍​នេះ ​នៅ​កីឡដ្ឋាន Teddy Kollek ​នា​ក្រុង​ Jerusalem ។ ការ​ប្រកួត​មិត្តភាព​នេះ ​បាន​ធ្វើ​ឱ្យ​ប៉ាឡេស្ទីន ​មិន​សប្បាយ​ចិត្ត​នោះ​ទេ ​ហើយ​ថែម​ទាំង​បាន​ប្រាប់​ដល់​អ្នក​គាំទ្រ​បាល់ទាត់​ក្នុង​ប្រទេស​ខ្លួន​ថា ​ត្រូវ​ដុត​អាវ​របស់ Messi ​ចោល ​ប្រសិន​បើ​កីឡាករ​រូប​នេះ​ពិត​ជា​មក​លេង​នៅ Jerusalem ​មែន។

លោក Jibril Rajoub ​ប្រធាន​សហព័ន្ធ​កីឡា​បាល់ទាត់​ប៉ាឡេស្ទីន ​បាន​បញ្ជាក់​ថា​ប្រទេស​របស់​លោក​មិន​សប្បាយ​ចិត្ត​ចំពោះ​​ទង្វើ​របស់​អាហ្សង់ទីន ​និង​អ៊ីស្រាអែល ដែល​កំពុង​ធ្វើ​ឡើយ។ នេះ​ជា​ការ​ប្រកួត​បាល់ទាត់​ទាក់ទង​ទៅ​នឹង​រឿង​នយោបាយ​របស់​អ៊ីស្រាអែល។ ប្រសិន​បើ​អាហ្សង់ទីន​មក​ប្រកួត​ជាមួយ​អ៊ីស្រាអែល ​នៅ​លើ​ទឹក​ដី  Jerusalem ​នោះ​បញ្ជាក់​ថា​ ពួកគេ​ទទួល​ស្គាល់​ក្រុង​មួយ​នេះ​ជា​របស់​អ៊ីស្រាអែល​ជា​ផ្លូវ​ការ​ហើយ៕ប្រភព៖ DailyMail

 

 

 

ភ្ជាប់ទំនាក់ទំនងជាមួយ CTS SPORT