គ្រូ​ជម្រើស​ជាតិ អ៊ីរ៉ង់ ​លា​ឈប់​ពី​តួ​នាទី ក្រោយ​ដឹក​នាំ​ក្រុម​ចាញ់​ជប៉ុន

ក្រុម​បាល់ទាត់​ជម្រើស​ជាតិ​អ៊ីរ៉ង់ ​បាន​បរាជ័យ​ក្រោម​ថ្វី​ជើង​ក្រុម​ជប៉ុន ៣-០ ​នា​ការ​ប្រកួត​វគ្គ​ពាក់​កណ្ដាល​ផ្ដាច់ព្រ័ត្រ​ពាន​រង្វាន់ AFC Asian Cup 2019 ​កាល​ពី​យប់មិញ​នេះ។

ក្រោយ​ពី​បរាជ័យ​ក្នុង​ការ​ប្រកួត​នេះ​ហើយ ​លោក Carlos Queiroz ​គ្រូ​បង្វឹក​ក្រុម​ជម្រើស​ជាតិ​អ៊ីរ៉ង់​បាន​សម្រេច​ចិត្ត​លា​លែង​តំណែង​តែ​ម្ដង ​ក្រោយ​ពី​ដឹក​នាំ​ក្រុម​នេះ​បាន​៨​ឆ្នាំ​មក​ហើយ។ អតីត​គ្រូ​បង្វឹក​ក្រុម​ជម្រើស​ជាតិ​ព័រទុយហ្គាល់​រូប​នេះ ​ដឹក​នាំ​ក្រុម​អ៊ីរ៉ង់​បាន​យ៉ាង​ល្អ​ក្នុង​ពាន​រង្វាន់ AFC Asian Cup 2019 ​នេះ ​ប៉ុន្តែ​គួរ​ឱ្យ​សោកស្ដាយ​ពួកគេ​បាន​បរាជ័យ​ក្រោម​ថ្វី​ជើង​ជប៉ុន ​នៅ​ត្រឹម​វគ្គ​៤​ក្រុម​ចុង​ក្រោយ​នេះ​ឯង។

លោក Carlos Queiroz ​បាន​បង្ហោះ​សារ​អរគុណ​ដល់​កីឡាករ ​និង​ក្រុម​ការងារ​ទាំង​អស់​ដែល​បាន​ធ្វើ​ការ​ជាមួយ​គ្នា​អស់​រយៈ​ពេល​៨​ឆ្នាំ​យ៉ាង​ជោគជ័យ។ លោក​ជូនពរ ​ឱ្យ​ក្រុម​ជម្រើស​ជាតិ​អ៊ីរ៉ង់​ជួប​តែ​សំណាង​ល្អ​ក្នុង​ការ​ប្រកួត​ខាង​មុខ​ទៀត។ បុរស​វ័យ​៦៥​ឆ្នាំ​រូប​នេះ ​កំពុង​ត្រូវ​បាន​ក្រុម​ជម្រើស​ជាតិ​កូឡុំប៊ី​ចាប់​អារម្មណ៍​យក​ទៅ​ដឹក​នាំ​ក្រុម ​ក្រោយ​ពី​ការ​ប្រកាស​ចាកចេញ​ពី​អ៊ីរ៉ង់​នេះ៕

ភ្ជាប់ទំនាក់ទំនងជាមួយ CTS SPORT