ក្រុមជម្រើសជាតិក្រូអាតរបស់ Luka Modric បានប្រកួតចាញ់ក្រុមប្រេស៊ីលរបស់ Neymar ក្នុងលទ្ធផល ២-០ កាលពីយប់មិញនេះ។
ក្រោយពីចប់ការប្រកួតទៅ Modric និង Neymar បានប្ដូរអាវគ្នាផងដែរ។ មិនត្រឹមតែដូរអាវនេះទេ កីឡាករលេងនៅ Real Madrid ក៏បាននិយាយទៅកាន់កីឡាករលេងនៅ PSG ដែរថា រូបគេនិងសមាជិកក្នុងក្រុមដទៃកំពុងតែរង់ចាំវត្តមានរបស់ Neymar នៅទឹកដីអេស្ប៉ាញម្ដងទៀត។
ឆ្លើយតបទៅនឹងការនិយាយរបស់ Modric ដូច្នេះ ខ្សែប្រយុទ្ធ Neymar ក៏សើចដាក់ Modric វិញដែរ ប៉ុន្តែមិនបានបញ្ជាក់ច្បាស់ថាអាចនឹងទៅចូលរួមជាមួយក្រុម Real Madrid ឬអត់នោះទេ។ ខណៈដែលការបញ្ចុះបញ្ចូលនេះ មិនមែនតែ Modric ម្នាក់ឡើយ សូម្បីតែ Marcelo និង Casemiro ក៏បាននិយាយទៅកាន់ Neymar រឿងផ្លាស់ទៅ Real ដែរ។
សូមបញ្ជាក់ថា Real Madrid កំពុងតែទាក់ទងទិញកីឡាករខាងលើនេះ ដើម្បីពង្រឹងតំបន់ប្រយុទ្ធរបស់ខ្លួនបន្ថែមទៀត។ ស្របពេលដែលដំណឹងជាច្រើនបាននិយាយថា Ronaldo ចាកចេញពី Real Madrid ដើម្បីទុកកន្លែងឱ្យ Neymar វិញម្ដង៕ប្រភពៈ DailyMail
