កីឡាករ Emiliano Sala បានបាត់ខ្លួនអំឡុងពេលជិះយន្ដហោះធ្វើដំណើរពីបារាំងមកអង់គ្លេស ដើម្បីចូលរួមជាមួយក្រុម Cardiff City។ការស្វែងរកធ្វើឡើងត្រឹមតែប៉ុន្មានថ្ងៃប៉ុណ្ណោះ ក្រោយពេលបាត់ខ្លួន។ ប៉ុន្តែដោយសារតែស្វែងរកមិនឃើញ ក៏ក្រុមអ្នកស្វែងរក ប្រកាសឈប់តែម្ដង។ កត្តានេះហើយ បានធ្វើឱ្យក្រុមគ្រួសារ និងអ្នកស្រលាញ់កីឡាកររូបនេះមិនអស់ចិត្ត ក៏នាំគ្នាបង្កើតជាមូលនិធិមួយដើម្បីប្រមូលប្រាក់ឈួលក្រុមការងារឯកជនដើម្បីធ្វើការស្វែងរកបន្ដ។ គិតមកដល់ថ្ងៃនេះ ពួកគេប្រមូលបាន២៩ម៉ឺនដុល្លារហើយ។
ប្រាក់ទាំងអស់នេះ នឹងជួលអ្នករុករកឱ្យស្វែងរកបន្ដ។ ដោយពួកគេបានចាប់ផ្ដើមរុករកនៅមហាសមុទ្រកាលពីម្សិលមិញ មានទូកចំនួន២។ ការបាត់ខ្លួននេះដែរ ត្រូវបានអ្នកជំនាញបញ្ជាក់ថាយន្តហោះនេះអាចនឹងធ្លាក់នៅក្នុងសមុទ្រ។ ដូច្នេះហើយ ទើបបានជាក្រុមអ្នករុករកឆ្ពោះទៅកន្លែងដែលគេសង្ស័យនោះតែម្ដង៕
ប្រភព៖ BBC
