លោក Sean Dyche អ្នកចាត់ការរបស់ក្រុម Burnley បាននិយាយថាក្រុម Manchester City នាពេលបច្ចុប្បន្ននេះគួរតែឈ្នះពានរង្វាន់ទាំងអស់ដែលពួកគេចូលលេង ទើបសមនឹងសមត្ថភាព។Man City បានយកឈ្នះលើក្រុម Burnley ៥-០ នាការប្រកួតពានរង្វាន់ FA Cup កាលពីយប់មិញនេះ។ បរាជ័យធ្ងន់ករនេះដែរ លោក Dyche អ្នកចាត់ការក្រុម Burnley មិនបន្ទោសកូនក្រុមឡើយ។ ដោយលោកអះអាងថា Man City នាពេលបច្ចុប្បន្ននេះល្អពេកទៅហើយ មិនងាយក្រុមណាអាចយកឈ្នះពួកគេបានងាយៗឡើយ។
អ្នកចាត់ការខាងលើបាននិយាយបន្ថែមទៀតថា៖ “ពួកគេកំពុងស្ថិតនៅកម្រិតលេងកំពូល ហើយប្រសិនបើអ្នកព្យាយាមតាមចាប់គេដូចយប់មិញនេះ នោះពួកគេនឹងពិន័យអ្នកធ្ងន់មិនខាន។ តើមាននរណានឹងអាចបញ្ឈប់គេបាន ក្នុងការឈ្នះពានរង្វាន់ទាំងអស់ទៅ? ពួកគេមានកីឡាករល្អៗ និងមានចិត្តចង់ឈ្នះជានិច្ច”៕
ប្រភព៖ BBC
