ក្រុមបាល់ទាត់ជម្រើសជាតិកូរ៉េខាងត្បូងបានធ្លាក់ចេញពីពានរង្វាន់ AFC Asian Cup 2019 ហើយ ក្រោមថ្វីជើងក្រុម កាតា កាលពីយប់មិញក្នុងលទ្ធផល ១-០ ត្រឹមវគ្គ៨ក្រុមចុងក្រោយ។
ការបរាជ័យត្រឹមវគ្គនេះដែរ អាចជាដំណឹងល្អសម្រាប់ក្រុម Spurs ក្នុងការបានកីឡាករ Son ត្រលប់មករួមក្រុមវិញ។ ខណៈដែលក្រុមមាន់ខ្នាយមាសនេះ កំពុងមានវិបត្តិកីឡាករខ្លាំង ដោយអវត្តមានកីឡាករ Harry Kane និង Dele Alli ។ ខ្សែប្រយុទ្ធកូរ៉េខាងត្បូង នឹងត្រលប់ទៅអង់គ្លេសវិញភ្លាមតែម្ដង ហើយអាចនឹងចូលលេងឱ្យក្រុមវិញបាននៅពេលឆាប់ៗនេះ។
ក្រុម Spurs នៅថ្ងៃស្អែក នឹងត្រូវតតាំងជាមួយក្រុម Crystal Palace ក្នុងពានរង្វាន់ FA Cup មុនពេលប៉ះក្រុម Watford នៅទឹកដីខ្លួនឯងនាពានរង្វាន់ Premier League នៅថ្ងៃពុធ៕ប្រភព៖ Dailymail
