Ole Gunnar Solskjaer បានដឹកនាំក្រុម Manchester United ទទួលបានជ័យជម្នះលើកទី៨ហើយ ដោយយប់មិញនេះ ស៊ីក្រុម Arsenal ក្នុងលទ្ធផល ៣-១។
ក្រុមបិសាចក្រហម ហាក់ដូចជាកំពុងឡើងជើងខ្លាំងមែនទែន ដោយ៨ប្រកួតមកហើយមិនចាញ់ទាល់តែសោះ។ មួយវិញទៀត ការឈ្នះក្រុម Arsenal ក៏បានបង្ហាញប្រាប់ទៅអ្នកគាំទ្រដែរថា ការដឹកនាំរបស់លោក Ole មិនត្រឹមតែឈ្នះក្រុមខ្សោយៗឡើយ ពោលគឺ Spurs និង Arsenal សុទ្ធតែបរាជ័យក្រោមថ្វីជើងរបស់ក្រុមរហស្សនាមថាបិសាចក្រហមនេះអស់ហើយ។
៣គ្រាប់ជួយឱ្យ Man Utd ឡើងទៅជុំទី៥ពានរង្វាន់ FA Cup នេះ គឺធ្វើបានសម្រេចដោយ Sánchez នាទី៣១ Lingard នាទី៣៣ និង Martial នាទី៨២។ ១គ្រាប់របស់ក្រុម Arsenal វិញ ធ្វើបានដោយ Aubameyang នៅនាទី៤៣៕ប្រភព៖ Dailymail