ក្រុមប៉ូលិសស្រាវជ្រាវ យន្ដហោះដឹកអ្នកដំណើរឯកជនដែលដឹកកីឡាករ Emiliano Sala ដែលបាត់ពីរ៉ាដានោះ បានបញ្ចប់ការស្រាវជ្រាវរបស់ខ្លួនហើយ ក្រោយពីចំណាយពេល៣ថ្ងៃមកនេះ។
Sala ជាខ្សែប្រយុទ្ធថ្លៃបំផុតរបស់ក្រុម Cardiff City ដែលទើបទិញចូល ហើយរូបគេបាត់ខ្លួនជាមួយយន្ដហោះនោះ គឺជាការធ្វើដំណើរមករួមក្រុមជាមួយ Cardiff នេះឯង។ បើតាមមន្ត្រីក្នុងតំបន់បញ្ជាក់ថាយន្ដហោះដឹកកីឡាករនេះបាត់ពីរ៉ាដា នៅតំបន់ English Channel ។ ហើយក្រុមការងាររុករកក៏ចាប់ផ្ដើមស្វែងរកពីតំបន់នោះផងដែរ ប៉ុន្តែប្រើពេល៣ថ្ងៃពេញហើយ នៅមិនទាន់មានដំណឹងនោះទេ។
ហេតុដូច្នេះហើយ ទើបបានជាពួកគេប្រកាសកាលពីយប់មិញនេះ ការរុករកនឹងផ្អាកសិន ដើម្បីស្វែងរកតម្រុយផ្សេងទៀត ក្រៅពីតំបន់នេះ។ បើមើលទៅលើផែនទី យន្តហោះខាងលើហោះកាត់មហាសមុទ្រ ហើយអ្នកគាំទ្រជាបានបួងសួងដល់ Sala ចំពោះការបាត់ខ្លួននេះ៕ប្រភព៖ Dailymail
