Ramos ​ស៊ុត​២​គ្រាប់ ជួយ Real Madrid ​ឈ្នះ ​៤-២ ​លើ​ក្រុម Girona

ខ្សែ​បម្រើ Sergio Ramos ​រក​បាន​២​គ្រាប់ ​ជួយ​ក្រុម​ Real Madrid ​យក​ឈ្នះ​លើ​ក្រុម Girona ​៤-២ ​ក្នុង​ការ​ប្រកួត​ពាន​រង្វាន់ Copa del Rey ​វគ្គ​៨​ក្រុម​ចុង​ក្រោយ។

Girona ​ជា​អ្នក​រក​គ្រាប់​បាល់​បាន​មុន ដែល​ធ្វើ​ឱ្យ​អ្នក​គាំទ្រ​របស់ Real Madrid ​ខក​ចិត្ត​បន្តិច​ទៅ​ហើយ​នៅ​នាទី​៧​ដើម​តង់​ទី​​១។ យ៉ាងណាមិញ ​ក្រុម​ម្ចាស់​ផ្ទះ​នៅ​១០​នាទី​បន្ទាប់​មក ​ក៏​រក​គ្រាប់​បាល់​បាន​ស្មើ​វិញ ​ដោយ Lucas Vazquez ​ជា​អ្នក​ធ្វើ​បាន​សម្រេច​។ ជិត​នឹង​ចប់​ការ​ប្រកួត​ទៅ​ហើយ ​ក្រុម Real Madrid ​រក​បាន​គ្រាប់​បាល់​នាំ​មុខ​វិញ ​ដោយ Ramos ​ជា​អ្នក​ទាត់​បាល់​ប៉េណាល់ទី​។ ចប់​តង់​ទី​១ ​ក្រុម Real Madrid ​នាំ​មុខ ​២-១ ​លើ​ក្រុម Girona ​។

យ៉ាងណាមិញ ​ចូល​ដល់​តង់​ទី​២​ការ​ប្រកួត​នេះ​នៅ​តែ​ជក់​ចិត្ត​ដដែល ពោល​គឺ​ក្រុម Girona ​រក​បាន​គ្រាប់​បាល់​ស្មើ​វិញ​ទៀត ​នៅ​ត្រឹម​នាទី ៦៦ ​ដោយ​បាល់​ប៉េណាល់ទី។ ​១០​នាទី​ក្រោយ​មក​ទៀត Ramos ​ដដែល ជា​ប្រធាន​ក្រុម​រក​បាន​គ្រាប់​បាល់​នាំ​មុខ​ជា​ថ្មី ​មុន​ពេល Benzema ​ថែម​គ្រាប់​ទី​៤​បាន​សម្រេច​នៅ​នាទី​៨០។ ចប់​ការ​ប្រកួត​ជើង​ទី​១​នេះ ​ក្រុម Real Madrid ​៤-២ Girona ​។

ការ​ប្រកួត​ជើង​ទី​២ ​នឹង​ត្រូវ​ធ្វើ​ឡើង​នៅ​ថ្ងៃ​ទី​១​ខែ​កុម្ភៈ​ឆ្នាំ​២០១៩​ខាង​មុខ​នេះ ​នៅ​ទឹក​ដី​របស់ Girona ​ម្ដង៕ប្រភព៖ Dailymail

ភ្ជាប់ទំនាក់ទំនងជាមួយ CTS SPORT