ក្រុម Chelsea បានយកឈ្នះលើក្រុម Spurs ដោយបាល់កាត់ប៉េណាល់ទី ៤-២ ក្រោយពីលេងស្មើគ្នាសរុបទាំងពីរជើង ២-២ ក្នុងពានរង្វាន់ Carabao Cup។
ការប្រកួតនៅជើងទី២យប់មិញនេះ ក្រុម Chelsea បានយកឈ្នះក្នុងលទ្ធផល ២-១ នៅ៩០នាទី ប៉ុន្តែដោយសារតែជើងទី១កន្លងទៅ ក្រុមតោខៀវនេះ បរាជ័យក្រោមថ្វីជើង Spurs ១-០ ហើយនោះ ទើបតម្រូវឱ្យការប្រកួតត្រូវថែមម៉ោង ព្រោះសរុបគ្នាបាល់ស្មើគ្នា ២-២។ ការថែមម៉ោង១៥នាទី២ដងនេះ មិនមានអ្វីប្រែប្រួលឡើយ ហើយតម្រូវឱ្យក្រុមទាំងពីរកាត់សេចក្ដីដោយបាល់ប៉េណាល់ទី។ ជាលទ្ធផល ក្រុម Chelsea បានឡើងទៅវគ្គបន្ទាប់ ដោយឈ្នះ ៤-២ នៅវគ្គទាត់ប៉េណាល់ទីនេះ។
នៅវគ្គផ្ដាច់ព្រ័ត្រ ក្រុម Chelsea នឹងត្រូវតតាំងជាមួយក្រុម Manchester City ដែលការប្រកួតនេះនឹងត្រូវធ្វើឡើងនៅថ្ងៃទី២៤ខែកុម្ភៈឆ្នាំ២០១៩ខាងមុខនេះហើយ៕ប្រភព៖ Dailymail