ឯកសណ្ឋានរបស់ក្រុមជម្រើសជាតិនីហ្សេរីយ៉ា បានប្រកាសលក់ជាផ្លូវការហើយ ដោយគ្រាន់តែប្រកាសភ្លាម លក់អស់ភ្លាមតែម្ដង មានអ្នកគាំទ្ររាប់ពាន់នាក់កំពុងចាំទិញ។
ក្រុមហ៊ុន Nike បានបញ្ជាក់ថាពួកគេបានប្រកាសលក់អាវរបស់ជម្រើសជាតិនីហ្សេរីយ៉ា នៅម៉ោង៩ព្រឹក ហើយគ្រាន់តែម៉ោង៩:០៣នាទី សម្រាប់តែលក់អស់ភ្លាមតែម្ដង។ ហើយមានការបញ្ជាទិញជាច្រើនថែមទៀត។ តាមគម្រោងការប្រកាសលក់នោះ មាន៣លានអាវ ដែលជាចំនួនច្រើនមែនទែន ប៉ុន្តែនៅតែលក់អស់ទៀត ពិតជាមិនធម្មតា។
នីហ្សេរីយ៉ា ជាប្រទេសដែលបានចូលលេង World Cup ដំបូងនៅឆ្នាំ១៩៩៤ ហើយគិតមកដល់ពេលនេះ ពួកគេលេងបាន៦ដងមកហើយ។ ឆ្នាំដែលពួកគេធ្វើបានល្អបំផុតនោះ គឺត្រឹមវគ្គ១៦ក្រុមចុងក្រោយ ១៩៩៤ ១៩៩៨ និងឆ្នាំ២០១៤កន្លងទៅ៕ប្រភព៖ MARCA
