Cristiano Ronaldo ត្រូវបានគេដឹងថា បានប្រាប់ទៅមិត្តរួមក្រុមទាំងអស់ ពីដំណឹងខ្លួនចាកចេញពី Real Madrid មុនការប្រកួតវគ្គផ្ដាច់ព្រ័ត្រ UEFA Champions League ទៅទៀត។
នៅចាំបានថា ក្រោយពីចប់ Champions League កីឡាករ Ronaldo បានប្រកាសពីអនាគតរបស់ខ្លួន ថាមិនទាន់ដឹងនៅ Real បន្ដ ឬត្រូវចាកចេញនោះទេ។ ក្រោយមកទៀត Zidane បានប្រកាសលាឈប់ពីតំណែងអ្នកចាត់ការ Real Madrid ហើយត្រូវបានគេដឹងថាពាក់ព័ន្ធនឹងរឿង Ronaldo ចាកចេញនេះដែរ។
នៅពេលនេះ មានប្រភពបញ្ជាក់ថាការពិត Ronaldo បានប្រាប់មិត្តរួមក្រុមបាត់ទៅហើយថាខ្លួននឹងចាកចេញពីទឹកដីអេស្ប៉ាញនារដូវកាលក្រោយ។ កីឡាករឈ្នះពាន UCL បាន៥ដងនេះ ដឹងខ្លួនថាដល់ពេលត្រូវចាកចេញ ទើបសម្រេចប្រាប់ទៅមិត្តរួមក្រុមមុន។ ស្របពេលដែល Perez ប្រធានក្លឹបReal Madrid ក៏កំពុងពិចារណាលក់រូបគេចេញ ដើម្បីទិញខ្សែប្រយុទ្ធថ្មីបន្ថែមដែរ៕ប្រភព៖ MACAR