De Jong ​សម្រេច​យក Barcelona ​ចោល Man City ​និង PSG ​

Frenkie de Jong ​បាន​សម្រេច​ចិត្ត​ចំពោះ​អនាគត​របស់​ខ្លួន​ហើយ ​ដោយ​រូបគេ​បាន​ជ្រើស​យក FC Barcelona ​ចោល​ក្រុម Manchester City ​និង PSG ​ទៅ​ហើយ។

កីឡាករ​វ័យ​២១​ឆ្នាំ​នេះ ​ត្រូវ​បាន​ក្លឹប​ទាំង​៣​ខាង​លើ​ប្រជែង​គ្នា​ទិញ​យក​ខ្លាំង​មែនទែន។ ដោយ Man City ​គឺ​ជា​ក្រុម​មួយ​ដែល​ត្រូវ​បាន​គេ​គិត​ថា​នឹង​អាច​យក​ខ្សែ​បម្រើ​នេះ​បាន ព្រោះ​ទាក់ទង​មុន​គេ។ ជាក់​ស្ដែង ​សាមី​ខ្លួន​ហាក់​ដូចជា​ចូល​ចិត្ត​ក្រុម Barcelona ​ជាង ​ហើយ​ប្រភព​មក​ពី​ហុល្លង់​បាន​បង្ហើប​ទៀត​ថា ​កីឡាករ​ឆ្នើម​ម្នាក់​នេះ​បាន​សម្រេច​ទៅ​លេង​នៅ​អេស្ប៉ាញ​ទៅ​ហើយ ក្នុង​តម្លៃ​ខ្លួន​ដល់​ទៅ​៦៥​លាន​ផោន​ឯ​ណោះ។

De Jong ​នឹង​ក្លាយ​ជា​កីឡាករ​ទី​៣​សម្រាប់​ក្រុម Barcelona ​ទិញ​ចូល​នៅ​ខែ​មករា​នេះ។ បន្ទាប់​ពី​ពួកគេ​បាន​ខ្ចី​ជើង Kevin-Prince Boateng ​ពី​ក្រុម ​Sassuolo ​រយៈ​ពេល​៦​ខែ ​និង​ខ្ចី​ជើង​ Murillo ​ពី​ក្រុម Valencia ​។ លោក Eric Abidal ​ប្រធាន​ផ្នែក​កីឡា​របស់​ក្លឹប FC Barcelona ​បាន​បញ្ជាក់​ថា​៖ “យើង​មាន​ក្រុម​មួយ​ដែល​ល្អ​ណាស់​ទៅ​ហើយ ប៉ុន្តែ​យើង​តែងតែ​ចង់​ល្អ​ជាង​នេះ​ទៅ​ទៀត ​និង​ផ្ដល់​ឱកាស​ឱ្យ​កីឡាករ​ថ្មី​ៗ​មក​រួម​ក្រុម​ជា​និច្ច”៕ប្រភព៖ Dailymail

ភ្ជាប់ទំនាក់ទំនងជាមួយ CTS SPORT