សម្ដី Sala ​ចុង​ក្រោយ ​មុន​ពេល​យន្ដហោះ​របស់​គេ​បាត់​ពី​រ៉ាដា​

កីឡាករ​ Emiliano Sala ​បាន​បាត់​ខ្លួន​ជាមួយ​យន្ដហោះ​ដែល​ដឹក​រូបគេ​មក​ទី​ក្រុង Cardiff ​កាល​ពី​យប់មិញ​នេះ ដែល​ធ្វើ​ឱ្យ​អ្នក​គាំទ្រ​មាន​ក្ដី​បារម្ភ​យ៉ាង​ខ្លាំង។

អតីត​ខ្សែ​ប្រយុទ្ធ​របស់ Nantes ​ខាង​លើ​នេះ ​បាន​សម្រេច​ចិត្ត​មក​រួម​ក្រុម Cardiff City ​ក្នុង​តម្លៃ​ខ្លួន​ថ្លៃ​បំផុត​របស់​ក្លឹប​១៨​លាន​ផោន។ ​ហើយ​រូបគេ​បាន​ធ្វើ​ដំណើរ​តាម​ជើង​ហោះហើរ​មក​ចូល​រួម​កម្មវិធី​បង្ហាញ​ខ្លួន​ជា​លើក​ដំបូង​កាល​ពី​យប់មិញ​នេះ។ យ៉ាងណាមិញ ​ការ​ហោះហើរ​របស់​គេ​បាន​បាត់​ពី​រ៉ាដា​ទៅ​ហើយ ​រហូត​មក​ដល់​បច្ចុប្បន្ន​នៅ​មិន​ទាន់​មាន​ដំណឹង​អ្វី​ទាំង​អស់។

គេ​បាន​សង្កេត​ឃើញ​នៅ​បណ្ដាញ​សង្គម WhatApp ​របស់​កីឡាករ​អាហ្សង់ទីន​ខាង​លើ​បាន​ផ្ញើ​ទៅ​មិត្ត​រួម​ក្រុម​របស់​គេ​ថា​៖ “ខ្ញុំ​កំពុង​នៅ​លើ​យន្ដហោះ​មួយ​ដែល​វា​ហាក់​ដូចជា​មាន​ចាក​ឆ្ងាយ​ទៅ​ហើយ ​ខ្ញុំ​នឹង​ទៅ Cardiff។ ឆ្គួត ​នៅ​ថ្ងៃ​ស្អែក​យើង​ចាប់​ផ្ដើម​ហើយ​នៅ​ពេល​រសៀល​យើង​ចាប់​ផ្ដើម​ហាត់ ជាមួយ​ក្រុម​ថ្មី”។ មាន​សំឡេង​សារ​មួយ​ទៀត​ដែល Sala ​បាន​ផ្ញើ​ចេញ​ដែរ​ថា​៖ “តើ​អ្នករាល់​គ្នា​សុខ​សប្បាយ​ទេ? ​ប្រសិន​បើ​អ្នក​មិន​មាន​ដំណឹង​អ្វី​ខ្ញុំ​១​ម៉ោង​កន្លះ​ទៀត​ទេ ​ខ្ញុំ​មិន​ដឹង​ថា​ពួកគេ​នឹង​ឱ្យ​មនុស្ស​ស្វែង​រក​ខ្ញុំ​ឬ​អត់​ទេ…ខ្ញុំ​ពិត​ជា​ខ្លាច​ខ្លាំង​ណាស់”។

រំលឹក​ថា Sala ​បាន​ធ្វើ​ដំណើរ​ជាមួយ​ជើង​ហោះហើរ​នេះ​ម្ដង​មក​ហើយ​កាល​ពី​ថ្ងៃ​អាទិត្យ​កន្លង​ទៅ ​ពេល​រូបគេ​ចាកចេញ​ពី Cardiff ​ទៅ​កាន់​បារាំង។ ដោយ​គ្រា​នោះ ​រូបគេ​មិន​ពេញ​ចិត្ត​ចំពោះ​ការ​ធ្វើ​ដំណើរ​នេះ​ទេ ​ដោយ​បាន​បញ្ជាក់​ថា​យន្តហោះ​នេះ​ក្ដៅ​ណាស់។ ខណៈ​ដែល​ការ​បាត់​ពី​រ៉ាដា​នេះ គឺ​ជា​ការ​ហោះ​ត្រលប់​ទៅ​បារាំង​មក Cardiff ​វិញ​៕ប្រភព៖ Dailymail

 

 

ភ្ជាប់ទំនាក់ទំនងជាមួយ CTS SPORT