ចុង​ក្រោយ Ronaldo ​ព្រម​បង់​ប្រាក់​២១​លាន​ដុល្លារ ​ដើម្បី​បញ្ចប់​រឿង​គេច​ពន្ធ​នៅ​អេស្ប៉ាញ

នៅ​យប់មិញ​នេះ ​ខ្សែ​ប្រយុទ្ធ Cristiano Ronaldo ​បាន​យល់​ព្រម​បង់​ប្រាក់​២១​លាន​ដុល្លារ​ឱ្យ​ទៅ​ខាង​អេស្ប៉ាញ​ដើម្បី​បញ្ចប់​រឿង​ក្ដី​គេច​ពន្ធ​រូបភាព​របស់​ខ្លួន​អំឡុង​ពេល​លេង​ឱ្យ Real Madrid ​ហើយ។

Ronaldo ​ត្រូវ​បាន​តុលាការ​អេស្ប៉ាញ​រក​ឃើញ​ថា​បាន​គេច​ពន្ធ ចំពោះ​សិទ្ធិ​លក់​រូប​ថត​របស់​ខ្លួន ​អំឡុង​ពេល​ជិត​១០​ឆ្នាំ​លេង ឱ្យ​ក្រុម Real Madrid ​។ រឿង​ក្ដី​នេះ ​តុលាការ​អេស្ប៉ាញ​បាន​សម្រេច​ឱ្យ​កីឡាករ​ព័រទុយហ្គាល់​ជាប់​គុក​ប្រមាណ​២​ឆ្នាំ ​ប៉ុន្តែ​មាន​ករណី​ពិសេស​មួយ​ដែរ ប្រសិន​បើ​រូបគេ​ព្រម​បង់​ប្រាក់​២១​លាន​ដុល្លារ ​នោះ​ទោស​នេះ​នឹង​មិន​ចាំ​បាច់​ជាប់​ឃុំ​ឡើយ។ ដើម្បី​កុំ​ឱ្យ​វែង​ឆ្ងាយ​បន្ដ​ទៀត ​កីឡាករ​កំពុង​លេង​ឱ្យ Juventus ​ខាង​លើ​ក៏​ព្រម​បង់​ប្រាក់​បញ្ចប់​តែ​ម្ដង។

រឿង​គេច​ពន្ធ​រូប​ថត​នេះ ​នៅ​អេស្ប៉ាញ​មាន​កីឡាករ​ច្រើន​ណាស់​ដែល​ជាប់​ទាក់ទង។ ជាក់​ស្ដែង សូម្បី​តែ Messi , Neymar ​ក៏​ធ្លាប់​ជាប់​រឿង​ក្ដី​នេះ​ដែរ ប៉ុន្តែ​ក៏​ប្រើ​ក្បួន​ដូច​គ្នា​ដើម្បី​ដោះ​ស្រាយ ​គឺ​បង់​ប្រាក់​ផ្ដាច់​តែ​ម្ដង៕ប្រភព៖ Dailymail

 

 

 

 

 

ភ្ជាប់ទំនាក់ទំនងជាមួយ CTS SPORT