ក្រុម Huddersfield បានប្រកាសតែងតាំងលោក Jan Siewert ដែលជាគ្រូបង្វឹកក្រុម Dortmund II មកធ្វើជាអ្នកចាត់ការរបស់ខ្លួន ក្រោយពីលោក David Wagner បានដើរចេញ។
លោក Jan ជាគ្រូបង្វឹកក្រុម Dortmund លំដាប់ទី២ ហើយក៏ទើបចុះចេញពីតំណែងមកកាន់ក្រុម Huddersfield ដោយមានកុងត្រាដល់ឆ្នាំ២០២១។ ដោយឡែកកាលលោក Wagner មកដឹកនាំក្រុម Huddersfield នេះក៏លោកជាអតីតអ្នកចាត់ការក្រុមនៅ Dortmund ដូចគ្នា។ ប៉ុន្តែដោយសារតែដឹកនាំក្រុមនៅលីគកំពូលមិនជោគជ័យទើបលោកសម្រេចចិត្តចាកចេញតែម្ដង។
លោក Jan មកដឹកនាំក្រុមនៅអង់គ្លេសនេះ គឺមានភារកិច្ចធំមែនទែន ដោយត្រូវនាំក្រុម Huddersfield ឱ្យរួចផុតពីតំបន់កាត់ចោល។ បច្ចុប្បន្ន ក្រុមនេះនៅបាតតារាង ដោយមានតែ១១ពិន្ទុប៉ុណ្ណោះ ឆ្លងកាត់២៣ប្រកួតមកនេះ។ ខណៈដែលការប្រកួតនៅសល់១៥ប្រកួតទៀត ដូច្នេះការងារសំខាន់នោះគឺត្រូវស្វែងរកពិន្ទុឱ្យបានច្រើនបំផុត៕ប្រភព៖ BBC