ខ្សែការពារ Ashley Cole បានសម្រេចចិត្តចូលរួមជាមួយក្រុម Derby County ហើយនៅរដូវកាលនេះ ដើម្បីមកធ្វើការនៅក្រោមការដឹកនាំរបស់លោក Frank Lampard ។
Cole ជាអតីតកីឡាករឆ្នើមម្នាក់របស់ក្រុមជម្រើសជាតិអង់គ្លេស ហើយក៏ជាមិត្តរួមក្រុមរបស់ Lampard កាលលេងនៅក្រុម Chelsea ជាមួយគ្នាផងដែរ។ ដូច្នេះហើយការចូលជាមួយ Derby នេះគឺមានន័យថាបុរសទាំង២រូប បានមកធ្វើការជាមួយគ្នាវិញហើយ ដោយគ្រាន់តែមិនមែនស្ថិតក្នុងនាមជាកីឡាករដូចគ្នាប៉ុណ្ណោះ។ កីឡាករវ័យ៣៨ឆ្នាំរូបនេះ បានចំណាយពេលទៅលេងនៅលីគអាមេរិកកាលពីរដូវកាលមុនជាមួយក្រុម LA Galaxy ប៉ុន្តែមិនអាចជួយក្រុមនេះឈ្នះពានរង្វាន់បានទេ។
ប្រវត្តិរបស់ Cole នៅអង់គ្លេសក្នុងលីគកំពូលគឺលេងបាន៣៨៤ប្រកួត គិតទាំងក្រុម Arsenal និង Chelsea ។ ក្នុងនោះលោកបានជួយក្រុម Arsenal ឈ្នះ Premier League ២ដង និង Chelsea ឈ្នះ Premier League ១ដង និង Champions League ១ដងផងដែរ៕ប្រភព៖ Foxsportsasia
Looking forward to the new challenge ahead with @dcfcofficial pic.twitter.com/XFjcFWE8Yw
— Ashley Cole (@TheRealAC3) January 21, 2019
Ashley Cole is a Ram. 🐏#WelcomeAshley pic.twitter.com/HEuwvjUAd5
— Derby County (@dcfcofficial) January 21, 2019