Marcelo, Mateo Kovacic និង Luke Modric រួមជាមួយសមាជិកក្រុមដទៃទៀត បាននាំគ្នាមកឈរថតនៅមុខ Logo ក្រុមហង្សក្រហម Liverpool ហើយថែមទាំងនិយាយសើចសប្បាយថែមទៀតផង។
ក្រុមជម្រើសជាតិប្រេស៊ីល និងក្រូអាត កំពុងស្ថិតនៅទឹកដី Anfield របស់ Liverpool ដើម្បីធ្វើការប្រកួតមិត្តភាពនារាត្រីនេះ មុនទៅលេងនៅ World Cup ២០១៨ នៅប្រទេសរុស្ស៊ី។ អ្វីដែលធ្វើឱ្យគេចាប់អារម្មណ៍នោះ គឺកីឡាករលេងនៅក្លឹប Real Madrid ដូចជា Marcelo, Luka Modric, Mateo Kovacic និង Casemiro បាននាំគ្នាមកឈរថតនៅពីមុខ Logo ក្រុមរបស់ Liverpool ហើយថែមទាំងនិយាយគ្នាសើចយ៉ាងសប្បាយរីករាយថែមទៀតផង។
មិនត្រឹមតែប៉ុណ្ណឹងទេ Neymar , Coutinho និង Rakitic ជាដើម ក៏បាននាំគ្នាមកថតនៅទីនេះដែរ មុនការប្រកួតចាប់ផ្ដើមនៅយប់នេះ។ Neymar បានសរសេរនៅលើបណ្ដាញសង្គមថាសប្បាយចិត្តដែលបានមកជួប Rakitic អតីតមិត្តរួមក្រុមនៅ Barcelona ។ ហើយ Coutinho វិញ ក៏បញ្ជាក់ខ្លួនរីករាយដែលបានមកកាន់ទឹកដី Anfield ម្ដងទៀត៕ប្រភព៖ DailyMail
