Manny Pacquiao បានយកឈ្នះលើកីឡាករអាមេរិក Broner ដោយឈ្នះពិន្ទុដាច់តែម្ដង ក្នុងការប្រកួតការពារខ្សែក្រវាត់កាលពីម្សិលមិញនេះ។
យ៉ាងណាមិញ ក្រោយចប់ការប្រកួត Broner ហាក់ដូចជាបង្ហាញការមិនពេញចិត្តយ៉ាងខ្លាំងចំពោះការកាត់ក្ដី។ ដោយរូបគេគិតថាខ្លួនទើបសក្ដិសមជាអ្នកឈ្នះពិតប្រាកដព្រោះវាយចូលច្រើនជាង Pacquiao និងគ្រប់គ្រងការប្រកួតនេះបាន។ Broner បានចោទប្រកាន់អ្នកកាត់ក្ដីការប្រកួតនេះថា បានលួចជ័យជម្នះរបស់គេ មិនចង់ឱ្យគេបានខ្សែក្រវាត់ឡើយ។
ជាមួយការបញ្ចេញមតិដូចខាងលើនេះ អ្នកប្រដាល់ហ្វីលីពីនក៏មិននៅស្ងៀមរហូតពេកដែរ។ លោកបាននិយាយដែរថា អ្នកគ្រប់គ្នាមិនអាចបន្ទោសទៅលើ Broner បានទេ។ ជាក់ស្ដែង រូបគេមានការគិតរបស់គេ រូបគេអាចនិយាយបាននូវអ្វីដែលគេចង់និយាយ ប៉ុន្តែលទ្ធផលគឺសម្រេចទៅលើចៅក្រមដាក់ពិន្ទុឯណោះទេ។
ក្រោយបញ្ចប់ការប្រកួតនេះទៅ Manny បានប្រាប់ទៅអ្នកគាំទ្រទៀតថាអាជីពប្រដាល់របស់គេនៅមិនទាន់ដល់ទីបញ្ចប់នោះទេ។ ត្បិតតែវ័យ៤០ឆ្នាំមែន ប៉ុន្តែសាមីខ្លួនគិតថានៅតែអាចវាយបានដដែល៕ប្រភពboxingscene
