• Broner ​កីឡាករ ​Pacquiao ​ចង់​ជួប Floyd ​ទៀត ប៉ុន្តែ Floyd …

    កីឡាករ​ហ្វីលីពីន Manny Pacquiao ​បាន​យក​ឈ្នះ​ពិន្ទុ​កីឡាករ Broner ​នៅ​មុន​នេះ​បន្តិច ​ដើម្បី​ការពារ​ខ្សែ​ក្រវាត់​របស់​គេ​បាន​ដដែល។ក្នុង​វ័យ​៤០​ឆ្នាំ​ទៅ​ហើយ Manny ​នៅ​តែ​ធ្វើ​បាន​ល្អ​ដដែល ​ដោយ​ដើរ​ចូល​វាយ​និង​ចង្វាក់​មាត់​ចេញ​នៅ​ច្បាស់​ហើយ​លឿន​ដដែល។ មួយ​វិញ​ទៀត ​លោក​ក៏​នៅ​តែ​មាន​ចិត្ត​ចង់​បន្ដ​អាជីព​ប្រដាល់​នេះ​ទៀត​ដែរ ​បើ​ទោះ​ជា​វ័យ​ឈាន​ដល់​៤០​ឆ្នាំ​ហើយ​ក៏​ដោយ ​ក៏​នៅ​តែ​មាន​ចិត្ត​ជា​កីឡាករ​ចង់​ឡើង​សង្វៀន​ជា​និច្ច។ ការ​ប្រកួត​បន្ទាប់​របស់​លោក​វិញ ​Pacman ​ចង់​ជួប​ជាមួយ​ដៃ​គូ​ចាស់​របស់​ខ្លួន Floyd ​ដែល​ធ្លាប់​យក​ឈ្នះ​កីឡាករ​ហ្វីលីពីន​នេះ​ម្ដង​មក​ហើយ​ដោយ​ពិន្ទុ​នៅ​អាមេរិក​នេះ។

    ចំពោះ​ការ​ចង់​ជួប​នេះ​ដែរ Floyd ​ដែល​បាន​មក​ចូល​រួម​ទស្សនា​ការ​ប្រកួត​ដែរ​នោះ ​មិន​មាន​អ្វី​តប​ត​នោះ​ទេ ​ដោយ​គ្រាន់​តែ​លើក​ដៃ​មួយ​ប៉ុណ្ណោះ។ ខណៈ​ដែល​ការ​លើក​ដៃ​នោះ ​គេ​មិន​អាច​សន្និដ្ឋាន​អ្វី​បាន​ទាំង​អស់។ មួយ​វិញ​ទៀត ​អ្នក​ប្រដាល់​មិន​ដែល​ចាញ់​របស់​អាមេរិក​ម្នាក់​នេះ ​ក៏​បាន​ប្រកាស​ចូល​និវត្តន៍​រួច​ហើយ​ដែរ។ ប្រសិន​បើ​ចង់​ឱ្យ​រូបគេ​ឡើង​សង្វៀន​ម្ដង​ទៀត គឺ​ប្រហែល​ជា​តម្រូវ​ឱ្យ​ទទួល​បាន​ប្រាក់​តម្លៃ​ខ្លួន​ខ្ពស់​ជា​មិន​ខាន៕

    ភ្ជាប់ទំនាក់ទំនងជាមួយ CTS SPORT