Paris Saint-Germain បានយកឈ្នះលើក្រុម Guingamp ដើម្បីជាការសងសឹកវិញ រហូតដល់ ៩-០ ឯណោះក្នុងការប្រកួតលីគកំពូលបារាំងនៅយប់មិញនេះ។គេនៅចាំបានថាក្រុម Guingamp នេះឯងជាអ្នកទម្លាក់ក្រុម PSG ចេញពីពានរង្វាន់ Coupe de la Ligue ហើយក៏បានបញ្ចប់កំណត់ត្រាមិនចាញ់របស់ក្រុមអ្នកនៅបារាំងនេះត្រឹមប្រកួតនោះផងដែរ។ ដោយសារតែដូច្នេះហើយ ការប៉ះគ្នានៅក្នុងលីគវិញ ក្រុម PSG មិនប្រណីដល់ក្រុម Guingamp ឡើយ ពោលគឺស៊ុតយកៗ ដើម្បីបំបាក់ពួកគេវិញតែម្ដង។
ជាលទ្ធផលការប្រកួតយប់មិញនេះ គឺ PSG យកឈ្នះដល់ទៅ ៩- ០ ឯណោះ។ ៩គ្រាប់យប់មិញនេះធ្វើបានដោយ K. Mbappé ៣ គ្រាប់ Neymar ២ គ្រាប់ E. Cavani ៣ គ្រាប់ និង T. Meunier ១ គ្រាប់។
ការស៊ុតបាន៩គ្រាប់នេះដែរ គឺជាកំណត់ត្រារកគ្រាប់បាល់បានច្រើនបំផុតនៃក្រុម PSG ហើយ។ ខណៈដែលក្នុងលីគឯណោះវិញ បើមើលទៅតាមតារាងគឺក្រុម PSG បានដាច់ពិន្ទុពីក្រុមលេខ២ឆ្ងាយមែនទែន រហូតដល់១៣ពិន្ទុឯណោះ៕
ប្រភព៖ DailyMail
