ក្រុមតោខៀវ Chelsea បានបរាជ័យក្រោមថ្វីជើងក្រុម Arsenal ២-០ នាការប្រកួតសំខាន់ក្នុងលីគកំពូលអង់គ្លេស English Premier League យប់មិញនេះ។២គ្រាប់របស់កាំភ្លើងធំបាញ់ចេញយប់មិញ គឺធ្វើបានសម្រេចដោយ Lacazette នៅនាទី១៤ និងខ្សែការពារ Koscielny នៅនាទី២៩។ ២គ្រាប់នៅតង់ទី១នេះ គឺល្មមសម្រាប់ក្រុមកាំភ្លើងធំ យក៣ពិន្ទុពីក្រុម Chelsea ហើយក៏ធ្វើឱ្យការប្រជែងចូលតំបន់ Top4 វិញ កាន់តែជក់ចិត្តផងដែរ។ ត្បិតអីគំលាតពិន្ទុរវាងក្រុមទាំងពីរនៅសល់តែ៣ពិន្ទុប៉ុណ្ណោះ។
បរាជ័យយប់មិញនេះដែរ បានធ្វើឱ្យលោក Sarri អ្នកចាត់ការក្រុម Chelsea ខឹងយ៉ាងខ្លាំងចំពោះទម្រង់លេងកូនក្រុមដែលធ្វើមិនដូចអ្វីរៀបចំទុក៖ “ខ្ញុំពិតជាខឹងណាស់ ខឹងខ្លាំងមែនទែន។ បរាជ័យនេះ បានធ្វើឱ្យក្រុមទាំងមូលកាន់តែពិបាកស្រោចស្រង់ឡើងវិញ យើងមានបញ្ហាស្រដៀងនេះម្ដងមកហើយកាលពីប៉ះ Spurs ។ ដោយវាបានបង្ហាញឱ្យឃើញថាក្រុមរបស់យើងពិបាកក្នុងការលើកទឹកចិត្តខ្លាំងមែនទែន”៕
ប្រភព៖ DailyMail