ដឹង​រឿង​ហើយ រូប​១​សន្លឹក​របស់ Zidane ​នៅ​កាតា ​នោះ​តាំង​ពី​ឆ្នាំ​២០១០​ម្ល៉េះ

ដោយសារ​តែ​ចាកចេញ​ពី Real Madrid ​ភ្លាម​ៗ ​ហើយ​មិន​ទាន់​មាន​ក្លឹប​ណា​ទាក់ទង​នោះ ​មាន​ប្រភព​មួយ​ចំនួន​បាន​ចុះ​ផ្សាយ​ថា Zidane ​នឹង​ទៅ​ដឹក​នាំ​ក្រុម​ជម្រើស​ជាតិ​កាតា ​កុងត្រា​រយៈ​ពេល​៤​ឆ្នាំ។

តែ​ការ​ពិត​ទៅ រូប​មួយ​សន្លឹក​ដែល​ធ្វើ​ឱ្យ​មាន​ការ​យល់​ច្រឡំ​នោះ គឺ​ជា​រូប​ដែល​អតីត​អ្នក​ចាត់ការ​ Real Madrid ​រូប​នេះ ​ទៅ​ចូលរួម​កម្មវិធី​ដែល កាតា ​ដេញ​ថ្លៃ​ឈ្នះ​ធ្វើ​ជា​ម្ចាស់​ផ្ទះ World Cup 2022 ​ប៉ុណ្ណោះ។ ខណៈ​ដែល​រូប​បុរស​មួយ​សន្លឹក​ឈរ​នៅ​ជិត Zidane ​នោះ ឈ្មោះ​ថា ​hassan al thawadi ​អ្នក​តំណាង​ដេញ​ថ្លៃ​ធ្វើ​ជា​ម្ចាស់​ផ្ទះ World Cup ​ឱ្យ​កាតា​ប៉ុណ្ណោះ។

ដោយ​ពេល​បច្ចុប្បន្ន​នេះ Zidane ​មិន​ទាន់​មាន​ការងារ​ទៅ​ខាង​ណា​នោះ​ទេ ​លោក​កំពុង​តែ​សម្រាក​ជាមួយ​គ្រួសារ​នៅ​ឡើយ។ ហើយ​ប្រសិន​បើ​ទៅ​ដឹក​នាំ​ក្រុម​ណា​មែន នោះ​ត្រូវ​រង់ចាំ​ទាល់តែ​ចប់ World Cup 2018 ​នៅ​រុស្ស៊ី​ទើប​ដឹង​រឿង​ពិត៕ប្រភព៖ Aljazeera

 

 

 

ភ្ជាប់ទំនាក់ទំនងជាមួយ CTS SPORT