ទាំងកីឡាករក្នុងក្រុមឈុតធំ និងបុគ្គលិកនៅក្លឹបទាំងអស់ ចង់ស្នើសុំដល់ប្រធានក្លឹបដើម្បីតែងតាំងលោក Ole Gunnar Solskjaer ធ្វើជាអ្នកចាត់ការក្រុមធំតែម្ដង។
Ole Gunnar Solskjaer ជាវីរបុរសរបស់បិសាចក្រហម ហើយចូលមកដឹកនាំក្រុមនេះគឺជំនួសតំណែងលោក Jose Mourinho ជាបណ្ដោះអាសន្នសិន។ ខណៈដែលក្លឹបតែងតាំងនេះ គឺរហូតដល់ចប់រដូវកាល ដើម្បីឱ្យពួកគេស្វែងរកអ្នកថ្មីមកដឹកនាំជាផ្លូវការ។ យ៉ាងណាមិញ ការចូលមកដឹកនាំបានប៉ុន្មានប្រកួតមកនេះ លោកធ្វើបានយ៉ាងល្អ ដោយឈ្នះរហូត មិនដែលចាញ់ឡើយ។
កត្តាដឹកនាំក្រុមល្អ និងកីឡាករចូលចិត្តគ្រប់គ្នាហើយ ទើបបានជាពួកគេបានស្នើដល់ប្រធានក្លឹបដើម្បីយកបុរសរូបនេះមកដឹកនាំក្រុមរហូតតែម្ដង មិនបាច់ទៅរកអ្នកចាត់ការណាមកទីណាទៀតទេ។ មួយវិញទៀត លទ្ធផលដឹកនាំក្រុមឈ្នះបាន៦ប្រកួតជាប់គ្នានេះ គឺជាកំណត់ត្រាថ្មីសម្រាប់អ្នកដឹកនាំចូលមកដឹកនាំក្រុមបិសាចក្រហមហើយ៕ប្រភពDailyMail
