Chiellini ៖ Ronaldo ​ជា​អ្នក​បំផ្លាញ​ក្ដី​ស្រមៃ UCL ​ខ្ញុំ ​៣​ដង​មក​ហើយ​

ខ្សែ​ការពារ​ Giorgio Chiellini ​បាន​បង្ហើប​ថា Cristiano Ronaldo ​នេះ​ឯង ​ជា​អ្នក​បំផ្លាញ​ក្ដី​ស្រមៃ​របស់​ខ្លួន​ក្នុង​ការ​លើក​ពាន​រង្វាន់ UEFA Champions League ​៣​ដង​មក​ហើយ។

Ronaldo ​យប់មិញ​តែត​១​ក្បាល​ជួយ​ឱ្យ​ក្រុម Juventus ​លើក​ពាន​រង្វាន់ Supercoppa Italiana ​ជា​លើក​ទី​៨​បាន​សម្រេច ​ក្រោយ​ពី​យក​ឈ្នះ​ក្រុម AC Milan ​១-០។ ក្រោយ​ពី​ជួយ​ក្រុម​លើក​ពាន​នេះ​ហើយ ​បែរ​ជា​ខ្សែ​ការពារ​ Chiellini ​មិត្ត​រួម​ក្រុម​របស់​ Ronaldo ​ផ្ទាល់​បាន​និយាយ​រឿង​នេះ​ថា​៖ “គាត់​បាន​ជួយ​យើង​ឈ្នះ​ពាន​រង្វាន់​នេះ ប៉ុន្តែ​ប៉ុន្មាន​ឆ្នាំ​មុន គាត់​បាន​បំផ្លាញ​ក្ដី​ស្រមៃ​របស់​ខ្ញុំ​ឈ្នះ​ពានUCL ​៣​ដង​មក​ហើយ​”។

កីឡាករ​ចាស់​វស្សា​ខាង​លើ​ក៏​បន្ថែម​ពី​ការ​ចូល​រួម​របស់ Ronaldo ​ជាមួយ​ខ្លួន​ដែរ​ថា​៖ “ខ្ញុំ​សប្បាយ​ចិត្ត​ចំពោះ​ការ​មក​រួម​ក្រុម​របស់​គាត់​។ គាត់​ជា​ខ្សែ​ប្រយុទ្ធ​កំពូល​លើ​លោក ​ហើយ​គាត់​នឹង​ជួយ​យើង​ឈ្នះ​ពាន​រង្វាន់ UCL ​បាន។ កាល​ពី​មុន​ខ្ញុំ​មាន​ក្ដី​ស្រមៃ ប៉ុន្តែ​ពេល​នេះ​ខ្ញុំ​បាន​ដាក់​គោលដៅ​យក​វា​តែ​ម្ដង”៕ប្រភព៖ dailystar

 

ភ្ជាប់ទំនាក់ទំនងជាមួយ CTS SPORT