ក្រុម Atletico Madrid កំពុងចាប់អារម្មណ៍យកខ្សែប្រយុទ្ធ Morata ពីក្រុម Chelsea ដើម្បីទៅជំនួសតំណែងរបស់កីឡាករ Diego Costa ដែលកំពុងលេងមិនបានល្អនារដូវកាលនេះ។
បើទោះជា Morata លេងមិនបានល្អនៅក្រុមតោខៀវមែន ប៉ុន្តែលោក Simeone នៅតែចង់បានកីឡាករអេស្ប៉ាញរូបនេះមករួមក្រុមដដែល។ លោកបានបញ្ជាក់ថាអតីតកីឡាករ Real Madrid រូបនេះនឹងជួយក្រុមរបស់លោកបានល្អឡើងវិញនៅតំបន់ប្រយុទ្ធកណ្ដាល។ ស្របពេលបច្ចុប្បន្ន Costa ហាក់ដូចជាធ្លាក់ជើងខ្លាំងមែនទែន។
យ៉ាងណាមិញ ក្លឹប Chelsea មិនទាន់ឆ្លើយតបយ៉ាងណានោះទេ ប៉ុន្តែលោក Sarri ចង់បានកីឡាករ Higuain ច្រើនជាង។ ដោយធ្លាប់ស្នើប្ដូរ Morata យកខ្សែប្រយុទ្ធអាហ្សង់ទីនរូបនេះថែមទៀតផង។ គេនៅចាំបានថាក្រុមតោខៀវនេះ នាំយក Morata មកពី Real Madrid ដើម្បីជំនួសតំណែងរបស់ Costa នេះឯង។ ហើយបច្ចុប្បន្នបែរជា AT Madrid ចង់បាន Morata នេះដើម្បីទៅជំនួស Costa ទៀត៕ប្រភពDailyMail
