កាលពីយប់មិញនេះ អ្នកចាំទី Petr Cech បានប្រកាសចូលនិវត្តហើយ ក្រោយចប់រដូវកាលនេះជាមួយក្រុមកាំភ្លើងធំ Arsenal ។
អ្នកចាំទីវ័យ៣៦ឆ្នាំខាងលើ កំពុងកាន់កំណត់ត្រា Clean Sheet បានច្រើនជាងគេរហូតដល់២០២ដង។ យ៉ាងណាមិញ ក្រោយពីផ្លាស់ពី Chelsea មកលេងឱ្យ Arsenal ប៉ុន្មានរដូវកាល លោកបានបានប្រកាសនៅយប់មិញនេះថាដល់ពេលត្រូវចូលនិវត្តពីវិស័យបាល់ទាត់នេះហើយ។ ក្រោយពីប្រកាសយ៉ាងនេះដែរ ក្រុមតោខៀវ ក៏ចេញមុខទទួលយកអតីតអ្នកចាំទីរបស់ខ្លួនត្រលប់រួមក្រុមវិញដែរ ប្រសិនបើរូបគេចង់។
ប្រធានក្លឹប Chelsea ទទួលដៃ២សម្រាប់ការវិលត្រលប់របស់ Cech ។ ដោយលោកបានបញ្ជាក់ថា សូមត្រលប់មកផ្ទះវិញមក។ ការហៅត្រលប់ទៅវិញនោះដែរ មិនមែនក្នុងនាមជាកីឡាករទេ ប៉ុន្តែពួកគេហៅធ្វើជាឯកអគ្គរដ្ឋទូតតំណាងក្លឹប។ Cech នឹងសម្រេចអនាគតរបស់គេថានឹងត្រូវទៅណាបន្ដទៀតនៅចប់រដូវកាលនេះ៕ប្រភពDailyMail
