ក្លិបបាល់ទាត់ អង្គរថាយហ្គឺរ បានធ្វើការនាំយកកីឡាករថ្មីមួយរូបបន្ថែមទៀតដែលមានកំណើតមកពីប្រទេសអាហ្សង់ទីន គឺកីឡាករ Ramos Alexis Damian ដែលមានវ័យ ២៩ ឆ្នាំ ដោយផ្តល់កុងត្រារយៈពេល ១ឆ្នាំ ។Alexis Damian ត្រូវបានគេហទំព័ររបស់ក្លិបអង្គរថាយហ្គឺរ បង្ហាញប្រវត្តិថា ធ្លាប់ប្រកបអាជីពលេងបាល់ទាត់នៅប្រទេសជាច្រើនដូចជា ប្រទេសកំណើត, Ecuador, Salvador, Uruguay, Venezuela និង Malta ជាដើម។ ក្លិបដែល Ramos Alexis ធ្លាប់ចូលរួមលេងមានដូចជា៖
· Club Atlético Aldosivi (ក្របខ័ណ្ឌ Primera B Nacional, ប្រទេស Argentina)
· Club Ferro Carril Oeste (ក្របខ័ណ្ឌ Primera B Nacional, ប្រទេស Argentina)
· Gimnasia CdU (ក្របខ័ណ្ឌ Torneo Argentino A, ប្រទេស Argentina)
· Estudiantes de Río Cuarto (ក្របខ័ណ្ឌ Torneo Argentino B, ប្រទេស Argentina)
· Club Atlético Independiente (ក្របខ័ណ្ឌ Torneo Federal A, ប្រទេស Argentina)
· Club Atlético General Paz Juniors (ក្របខ័ណ្ឌ Torneo Argentino B, ប្រទេស Argentina)
· Huracan de Goya (ប្រទេស Argentina)
· Club Técnico Universitario (ក្របខ័ណ្ឌ Ecuadorian Serie A, ប្រទេស Ecuador)
· A.D. Isidro Metapan (ក្របខ័ណ្ឌ Salvadoran Primera División, ប្រទេស Salvador)
· El Tanque Sisley (ក្របខ័ណ្ឌ Uruguayan Primera División, ប្រទេស Uruguay)
· Metropolitanos fc (ក្របខ័ណ្ឌ Venezuelan Primera División, ប្រទេស Venezuela)
· Gudja United FC (ក្របខ័ណ្ឌ Maltese First Division, ប្រទេស Malta)
អង្គរថាយហ្គឺរ បាននាំសមាជិកថ្មីចំនួន ០៦រូបហើយ បន្ទាប់ពីកីឡាករ ជឿន ពិសិដ្ឋ និង ឡុង ភារ៉ាត អ្នកចាំទី យី ប៊ុនហេង កីឡាករ Timothy Okereke និង ចាន់ ហួង ។តើការនាំយកខ្សែប្រយុទ្ធអាហ្សង់ទីនរូបនេះ មកកាន់ទឹកដីសៀមរាបរបស់ អង្គរថាយហ្គឺរ អាចជួយឱ្យពួកគេក្លាយជាបេក្ខភាពប្រជែងពានរង្វាន់លីគកំពូលកម្ពុជាបានដែរឬទេ សម្រាប់រដូវកាលថ្មី ដែលនឹងជិតចាប់ផ្តើមខាងមុខនេះ ៕