Zlatan Ibrahimovic បានបន្ទោសទៅលើ Cristiano Ronaldo ដែលហៅ Lionel Messi មកលេងនៅលីគរបស់អ៊ីតាលី គ្រាដែលរូបគេចូលរួមជាមួយក្រុមដែលជោគជ័យទៅហើយ។
Ronaldo បានផ្លាស់ពីក្រុម Real Madrid ទៅលេងនៅ Juventus ក្នុងតម្លៃខ្លួន១០០លានផោនកាលពីរដូវក្ដៅកន្លងទៅ។ ក្នុងរយៈពេលប៉ុន្មានខែមកនេះ រូបគេរកបាន១៥គ្រាប់ហើយ ក្នុងការបង្ហាញខ្លួន២៥ប្រកួត និងជួយក្រុមនេះឈរនៅកំពូលតារាង។ មិនតែប៉ុណ្ណឹងទេ Ronaldo ផ្ទាល់ក៏បានធ្វើការ Challenge ១ទៅកាន់ Messi ដើម្បីហៅវីរបុរស FC Barcelona រូបនេះ មកលេងនៅអ៊ីតាលីផងដែរ។ជាមួយការ Challenge នេះ សាមីខ្លួន Messi បានបដិសេធមិនព្រមទៅលេងនៅអ៊ីតាលីទេ។ ដោយរូបគេបានបញ្ជាក់ថាបច្ចុប្បន្នកំពុងលេងឱ្យក្លឹបល្អបំផុតមួយនៅលើលោកទៅហើយ។ ខណៈដែលការលេងឱ្យ Barcelona នេះ ក៏ជាការ Challenge មួយផងដែរ។
ការហៅគ្នា Challenge របស់ Ronaldo នេះ ធ្វើឱ្យ Zlatan ហួសចិត្តមែនទែន។ លោកគិតថាការហៅគ្នាធ្វើដូច្នេះ គឺមិនសមរម្យឡើយ ត្បិតអីពួកគេហៅគ្នាទៅលេងនៅក្លឹបជោគជ័យទៅហើយ វាមិនពិបាកក្នុងការលេងនោះទេស។ បុរសវ័យ៣៧ឆ្នាំបាននិយាយដូច្នេះថា៖ “Ronaldo បានហៅការផ្លាស់ទៅលេងនៅ Juventus ជាការ Challenge ថ្មីមួយ ខណៈដែលក្លឹបនេះជោគជ័យទៅហើយ។ ហេតុអ្វីបានជាពួកគេមិនទៅលេងនៅលីគលំដាប់ទី២ វិញ? ហើយព្យាយាមជួយក្រុមឱ្យឈ្នះ និងបានឡើងមកលីគកំពូល។ ទាល់តែអីចឹង ទើបគេហៅថា New Challenge”៕ប្រភពmirror
