Man Utd ​ទិញ​បាន​ខ្សែ​ការពារ Poto ​ម្នាក់​ទៀត​ហើយ

ក្លឹប Manchester United ​កំពុង​ធ្វើ​ការ​ពិនិត្យ​សុខភាព​ទៅ​លើ​ខ្សែ​ការពារ Diogo Dalot ​របស់​ក្រុម Porto ​មុន​ឈាន​ដល់​ការ​ប្រកាស​ជា​ផ្លូវការ​ទិញ​យក​តែ​ម្ដង។

Dalot ​ត្រូវ​បាន​ក្លឹប Man Utd ​ទិញ​យក​ទៅ​ហើយ ប៉ុន្តែ​ដោយសារ​តែ​មាន​បញ្ហា​សុខភាព​បន្តិច ទើប​ការ​ផ្ទេរ​ត្រូវ​ផ្អាក​សិន ដើម្បី​ពិនិត្យ​ឱ្យ​បាន​ម៉ត់ចត់។  ខ្សែ​ការពារ​រូប​នេះ ​ធ្វើ​បាន​ល្អ​ណាស់​ជាមួយ​ក្រុម Porto ​ក្នុង​នាម​ជា​កីឡាករ​លេង​នៅ​តំបន់​ខាង​ស្ដាំ។ កីឡាករ​វ័យ​១៩​ឆ្នាំ​រូប​នេះ ​នឹង​ត្រូវ​ជំនួស​តំណែង​របស់​កីឡាករ Valencia ​ដែល​មាន​វ័យ​៣៣​ឆ្នាំ​ទៅ​ហើយ ​និង​តែងតែ​ញាំញី​ដោយ​របួស។

ត្បិត​តែ​ទើប​ចូល​លេង​ឱ្យ​ឈុត​ធំ Porto ​មែន ប៉ុន្តែ​កីឡាករ​ព័រទុយហ្គាល់​រូប​នេះ ​បាន​ជាប់​ជម្រើស​ជាតិ​តាំង​ពី U15 ​មក ​ហើយ​ថែម​ទាំង​ជួយ​ព័រទុយហ្គាល់​ឈ្នះ​ពាន UEFA European U17 ​បាន​ថែម​ទៀត​ផង។ រូបគេ​គ្រា​នោះ ​រក​បាន​២​គ្រាប់ ​ក្នុង​ការ​លេង​៥​ប្រកួត ​ហើយ​ក៏​ជា​អ្នក​រក​គ្រាប់​បាល់​ក្នុង​ប្រកួត​ផ្ដាច់ព្រ័ត្រ​ទល់​ក្រុម​អេស្ប៉ាញ​ផង​ដែរ។

ក្រុម​បិសាច​ក្រហម រំពឹង​ថា​នឹង​ទិញ​យក​បាន​ក្នុង​តម្លៃ​ខ្លួន​១៧​លាន​ផោន ​ហើយ​ប្រសិន​បើ​ការ​ពិនិត្យ​សុខភាព​មិន​មាន​បញ្ហា​ទេ ​នោះ​នឹង​ធ្វើ​ការ​បង្ហាញ​ខ្លួន​ជា​ផ្លូវការ​នៅ​សប្ដាហ៍​ក្រោយ​តែ​ម្ដង៕ប្រភព៖ DailyMail

 

 

ភ្ជាប់ទំនាក់ទំនងជាមួយ CTS SPORT