Messi ​ក្លាយ​ជា​កីឡាករ​ដំបូង​រក​បាន​៤០០​គ្រាប់​នៅ La Liga ​

Lionel Messi ​បាន​ក្លាយ​ជា​កីឡាករ​ដំបូង​គេ​រក​បាន​៤០០​គ្រាប់​នៅ​ក្របខណ្ឌ La Liga ​ហើយ​គ្រាប់​បាល់​ទី​៤០០​នេះ​ដែរ គឺ​ធ្វើ​បាន​នៅ​ទឹក​ដី Camp Nou ​ដូច​គ្រាប់​បាល់​របស់​គេ​ធ្វើ​បាន​គ្រាប់​ទី​១​កាល​ពី​១៤​ឆ្នាំ​មុន​អីចឹង។

នៅ​​យប់មិញ ​ក្រុម FC Barcelona ​បាន​យក​ឈ្នះ​ក្រុម Eibar ​ក្នុង​លទ្ធផល ៣-០។ ​ដោយ​រូបគេ​ជា​អ្នក​រក​បាន​១​​គ្រាប់​ផង​ដែរ​ក្នុង​ចំណោម​៣​គ្រាប់​នោះ ​បង្គ្រប់​ចំនួន​៤០០​គ្រាប់​ក្នុង​អាជីព​នៅ​ក្លឹប Barcelona ​។ ​៤០០​គ្រាប់​នេះ​ដែរ គឺ​ជា​ចំនួន​មួយ​ដែល Messi ​ជា​កីឡាករ​ដំបូង​អាច​ធ្វើ​វា​បាន។ មួយ​វិញ​ទៀត ​ម្នាក់​ឯង​រក​បាន​៤០០​គ្រាប់ ​គឺ​ស្មើ​នឹង​រូបគេ​ម្នាក់​រក​គ្រាប់​បាល់​បាន​ច្រើន​ជាង​២៩​ក្លឹប​ផ្សេង​ទៀត​ក្នុង​ប្រវត្តិសាស្ត្រ​លីគ La Liga ​ថែម​ទៀត។

កីឡាករ​អាហ្សង់ទីន​ខាង​លើ​បាន​ទម្លាយ​សំណាញ់​ទី​ក្រុម​៣៧​ផ្សេង​គ្នា ​នៅ​លីគ​អេស្ប៉ាញ ​ច្រើន​ជាង​កីឡាករ​ណា​ទាំង​អស់។ ដោយ​ក្លឹប Sevilla ​ជា​ក្លឹប​មួយ​ដែល Messi ​ស៊ុត​ចូល​ច្រើន​ជាង​គេ រហូត​ដល់​២៥​គ្រាប់៕ប្រភពDailyMail

 

ភ្ជាប់ទំនាក់ទំនងជាមួយ CTS SPORT