លោក Graeme Souness អតីតអ្នកចាត់ការក្រុម Liverpool បានហៅលោក Mike Dean ថាជាអាជ្ញាកណ្ដាលដែលមិនដឹងស្អីសោះពីការលេងបាល់ទាត់។
លោក Dean បានធ្វើជាអាជ្ញាកណ្ដាលក្នុងការប្រកួត Spurs ប៉ះManchester United កាលពីយប់មិញនេះ។ ដោយការប្រកួតនោះពិតជាស្វិតស្វាញ ហើយមានកន្លែងមួយដែលធ្វើឱ្យអ្នកគាំទ្រ Spurs ជាច្រើនមិនយល់ចំពោះការសម្រេចចិត្តមិនផ្ដល់កាតក្រហមឱ្យ Pogba ។ ខណៈដែល Pogba នេះបានទាត់ជើងរបស់ Dele Alli ដើម្បីប្រជែងយកបាល់។ ដោយទាត់ជើងនេះដែរ ត្រូវបានលោក Dean ផ្ដល់ត្រឹមកាតលឿងប៉ុណ្ណោះទៅដល់ Pogba ។
ចំណុចនេះហើយ ទើបបានជាលោកGraeme Souness ដែលជាអតីតកីឡាករ Spurs និង Liverpool ផងនោះ យល់ថាអាជ្ញាកណ្ដាលហាក់ដូចជាមិនកាត់ក្ដីត្រឹមត្រូវសោះ។ លោកបានហៅលោក Dean ថាជាអាជ្ញាកណ្ដាលមួយរូបដែលមិនយល់ពីបាល់ទាត់អ្វីនោះទេ៕ប្រភពDailyMail