លោក Florentino Perez ប្រធានក្លឹប Real Madrid មានការភ្ញាក់ផ្អើលនៅពេលដែលលោក Zidane ចង់លាឈប់ពីតំណែង ទាំងដែលខ្លួនដឹកនាំក្រុមយ៉ាងជោគជ័យ។
សេដ្ឋីនៅអេស្ប៉ាញខាងលើនេះ បាននិយាយក្រោយពីការប្រកាសរបស់ Zidane ថា៖“បន្ទាប់ពីបានឈ្នះពានរង្វាន់ Champions League ខ្ញុំមិនដែលរំពឹងទេថាមានរឿងបែបនេះ។ គាត់ដឹងថាខ្ញុំស្រលាញ់គាត់ច្រើនជាងកីឡាករ ឬអ្នកចាត់ការណាផ្សេងទៀត ហើយខ្ញុំតែងតែចង់ឱ្យគាត់នៅទីនេះជាមួយយើង។
គ្មាននរណាម្នាក់អាចត្រៀមខ្លួនដើម្បីទទួលបានដំណឹងដូចនេះទេខ្ញុំមានការភ្ញាក់ផ្អើលនៅពេលខ្ញុំបានលឺគាត់និយាយពីរឿងនេះ។ ខ្ញុំចង់បញ្ចុះបញ្ចូលគាត់ ប៉ុន្តែមិនមានឱកាសផ្លាស់ប្តូរគំនិតរបស់គាត់ទេ។ ខ្ញុំចង់អរគុណ Zidane ចំពោះអ្វីគ្រប់យ៉ាងដែលគាត់បាននាំយកមកឲ្យក្លឹប និង វាជាតម្លៃឥតគណនា។ នេះមិនមែនជាការលាគ្នាទេ ពួកយើងនឹងជួបគាត់នៅពេលក្រោយទៀត”។
កំណត់ត្រាដឹកនាំក្រុមរបស់ Zidane គឺ១៤៩ប្រកួត ឈ្នះ១០៤ប្រកួត ស្មើ២៩ប្រកួត និងចាញ់១៦ប្រកួត ដែលស្មើនឹង៧០%គឺជោគជ័យហើយ។ លោកនាំក្រុមមួយនេះលើកពាន៩ គឺ UEFA Champions League ៣ដង FIFA Club World Cup ២ដង UEFA European Cup ២ដង la Liga ១ដងនិង Spanish Super Cup ១ដង៕
\
