សហព័ន្ធកីឡាបាល់ទាត់សិរី បានសម្រេចចិត្តបណ្ដេញលោក Bernd Stange ចេញពីតំណែងគ្រូបង្វឹកជម្រើសជាតិហើយ ក្រោយពីលេងចាញ់ក្រុមហ្សកដានីក្នុងលទ្ធផល ២-០។
ឆ្លងកាត់២ប្រកួតមកនេះ ក្រុមសិរីទើបតែមាន១ពិន្ទុប៉ុណ្ណោះ ខណៈដែលការប្រកួតនៅសល់១ប្រកួតទៀត ហើយភាគរយរបស់សិរីដែលអាចឡើងបាននោះមានតិចតួចបំផុត។ ដូច្នេះហើយ ទើបបានជាសហព័ន្ធបាល់ទាត់ប្រទេសនេះសម្រេចចិត្តចែកផ្លូវជាមួយគ្រូបង្វឹកតែម្ដង។ ក្រោយពីបណ្ដេញចេញគ្រូបង្វឹកនេះហើយ សិរីបានតែងតាំងលោក Fajr Ibrahim មកដឹកនាំក្រុមវិញម្ដង។
រំលឹកថា លោក Stange វ័យ៧០ឆ្នាំបានមកដឹកនាំក្រុមសិរី និងជួយក្រុមនេះចូលដល់វគ្គជម្រុះចុងក្រោយពានរង្វាន់ FIFA World Cup 2018 កន្លងទៅ។ សមិទ្ធផលនេះហើយ ទើបបណ្ដាលឱ្យសិរីបន្ដតែងតាំងបុរសម្នាក់នេះមកដឹកនាំក្រុមបន្ដនៅ Asian Cup 2019 នេះ ប៉ុន្តែលទ្ធផលបែរជាមិនបានល្អទៅវិញ៕ប្រភពespn
