Frank Lampard ​ត្រូវ​តែង​តាំង​ជា​អ្នក​ដឹក​នាំ​ថ្មី​របស់​ក្រុម Derby County

ក្លឹប Derby County  ​បាន​ប្រកាស​ជា​ផ្លូវ​ការ​ថា អតីត​កីឡាករ Frank Lampard ​នឹង​ចូល​ខ្លួន​មក​ធ្វើ​ជា​អ្នក​ចាត់ការ​ថ្មី​របស់​ក្រុម​ចាប់​ពី​ពេល​នេះ​ទៅ។

អតីត​កីឡាករ​វ័យ​៣៩​ឆ្នាំ ​បាន​ចូល​កាន់​តំណែង​នេះ ​ក្រោយ​ពី​ចំណាយ​ពេល​ធ្វើ​ជា​ពិធី​ករ​ប៉ុស្ដិ​ទូរទស្សន៍​អស់​ពេល​ជា​ច្រើន​ខែ​កន្លង​មក។ ក្រោយ​ពី​ប្រការ​ជា​ផ្លូវការ Lampard ​បាន​និយាយ​ថា​៖ “ខ្ញុំ​បាន​ចំណាយ​ពេល​គិត​ច្រើន ទើប​ធ្វើ​ការ​សម្រេច​ចិត្ត។ ខ្ញុំ​តែងតែ​ចង់​ធ្វើ​ជា​គ្រូ​បង្វឹក ​ធ្វើ​ការ​ជាមួយ​បាល់ទាត់។ ហើយ​ក្លឹប Derby Country ​ជា​ក្ដី​ស្រមៃ​មួយ ​ជា​ឱកាស​មួយ​សម្រាប់​ខ្ញុំ​បញ្ចេញ​សមត្ថភាព”។

Lampard ​បាន​ចាកចេញ​ពី Chelsea ​កាល​ពី​ឆ្នាំ​២០១៤ ​ដោយ​ជួយ​ក្រុម​នេះ​ឈ្នះ​ពាន​រង្វាន់​១១​ឯ​ណោះ ក្នុង​នោះ​រួម​មាន Premier League ​៣​ដង FA Cup ​៤​ដង League Cup ​២​ដង Europa League ​១​ដង និង Champions League ​១​ដង។ ​រូបគេ​ចាប់​ផ្ដើម​អាជីព​ដំបូង​ជាមួយ​ក្រុម West Ham ​មុន​ពេល​ផ្លាស់​ទៅ Chelsea ​ក្នុង​ឆ្នាំ​២០០១ ​ក្នុង​តម្លៃ​ខ្លួន​១១​លាន​ផោន៕ប្រភព៖ BBC

 

 

ភ្ជាប់ទំនាក់ទំនងជាមួយ CTS SPORT