Ramsey ​បាន​ចុះ​កុងត្រា​ទៅ​លេង​ឱ្យ Juventus ​ហើយ​រយៈ​ពេល​៥​ឆ្នាំ​

ខ្សែ​បម្រើ Aaron Ramsey ​បាន​ចុះ​កុងត្រា​ជាមួយ​ក្រុម Juventus ​ហើយ ​ក្នុង​សុពលភាព​៥​ឆ្នាំ​ឯ​ណោះ ​ហើយ​ទទួល​បាន​ ១៤០ ០០០​ផោន​ក្នុង​១​សប្ដាហ៍​ក្នុង​លីគ​អ៊ីតាលី​នេះ។

Ramsey ​និង Arsenal ​បាន​ប្រកាស​ចែក​ផ្លូវ​គ្នា​នៅ​ចប់​រដូវ​កាល​នេះ ​ដោយ​ក្លឹប​មិន​បន្ដ​កុងត្រា​ដល់​រូបគេ​ទៀត​នោះ​ទេ ​ក្រោយ​រួម​រស់​ជាមួយ​គ្នា​អស់​រយៈ​ពេល​១០​ឆ្នាំ​។ ​ត្បិត​តែ​មិន​ទាន់​ដល់​ថ្ងៃ​ចេញ​ជា​ផ្លូវការ​មែន ប៉ុន្តែ Ramsey ​មាន​សិទ្ធិ​ផ្សេង​រក​ក្លឹប​ថ្មី​ដើម្បី​ផ្លាស់​ទៅ​លេង​ហើយ ​នៅ​រដូវ​ក្ដៅ​ខាង​មុខ​នេះ។ រូបគេ​បាន​សម្រេច​ចិត្ត​ចូល​រួម​ជាមួយ Juventus ​ហើយ ​ដោយ​ចុះ​កុងត្រា​ដល់​ទៅ​៥​ឆ្នាំ​ឯ​ណោះ។ ប្រភព​នៅ​អ៊ីតាលី​បាន​បញ្ជាក់​ទៀត​ថា ​កីឡាករ​វ័យ​២៨​ឆ្នាំ​នេះ ​ត្រូវ​បាន​ក្លឹប​ឈរ​នៅ​កំពូល​តារាង Serie A ​ចង់​បាន​តាំង​ពី​ឆ្នាំ​មុន​មក​ម្ល៉េះ។

កីឡាករ​ជម្រើស​ជាតិ​វែល​ខាង​លើ ​លេង​ឱ្យ​កាំភ្លើង​ធំ​បាន​២៥២​ប្រកួត ​និង​រក​បាន​៣៨​គ្រាប់​ដែរ ​ក្នុង​រយៈ​ពេល​១០​មក​នេះ៕ប្រភពDailyMail

 

ភ្ជាប់ទំនាក់ទំនងជាមួយ CTS SPORT