វាជារឿងមិនគួរឱ្យជឿមួយដែលក្រុមខ្លាំង PSG បានធ្លាក់ចេញពីពានរង្វាន់ French League Cup ដែលពួកគេបានឈ្នះវា៥ឆ្នាំជាប់គ្នាមកហើយនោះ ក្រោមថ្វីជើងក្រុម Guingamp នៅយប់មិញ។
ក្រុម PSG អធិរាជនៅបារាំង បានភ្លាត់ចាញ់ក្រុមមិនខ្លាំង និងឈរនៅបាតតារាងក្នុងលីគ Guingamp ក្នុងលទ្ធផល ២-១ កាលពីយប់មិញនេះ។ ចាញ់ប្រកួតនេះ បានធ្វើឱ្យក្រុម PSG ធ្លាក់ចេញពីពានរង្វាន់ Cup ខាងលើទៅហើយ។ ត្បិតអីពួកគេជាក្រុមឈ្នះពានរង្វាន់នេះ ៥ឆ្នាំជាប់គ្នាមកហើយ។ ២គ្រាប់សម្លាប់ទឹកចិត្ត PSG របស់ក្រុមបាតតារាង Guingamp នេះធ្វើបានដោយ Gbakoto នាទី៨១ និង Thuram នាទី៩០+៣ ហើយ២គ្រាប់នេះជាបាល់ប៉េណាល់ទីទាំងអស់។
មិនត្រឹមតែទម្លាក់ក្រុម PSG ពីពានរង្វាន់នេះនៅត្រឹមវគ្គ៨ក្រុមចុងក្រោយទេ ក្រុម Guingamp នេះក៏ជាក្រុមបញ្ចប់កំណត់ត្រាមិនចាញ់២០ប្រកួតនៅគ្រប់ការប្រកួតក្នុងលីគរបស់ PSG នៅប្រទេសបារាំងផងដែរ៕ប្រភពDailyMail
