ក្រុម Manchester City បំបាក់ក្រុម Burton មិនឱ្យងើបមុខរួចនោះទេកាលពីយប់មិញនេះ ដោយយកឈ្នះក្នុងលទ្ធផល ៩-០ ឯណោះ។
៣ថ្ងៃមុន Man City បានយកឈ្នះលើក្រុម Rotherham ក្នុងលទ្ធផល ៧-០ នាពានរង្វាន់ FA Cup ជុំទី៣។ ខណៈដែលយប់មិញទៀតសោត ពួកគេបានបំបាក់ក្រុម Burton ក្នុងលទ្ធផល ៩-០ ទៀតនៅវគ្គពាក់កណ្ដាលផ្ដាច់ព្រ័ត្រពានរង្វាន់ Carabao Cup ទៀត។ ដែលលទ្ធផលរហូតដល់៩គ្រាប់នេះ អាចនិយាយបានថា Man City កំពុងកក់កៅអីឡើងវគ្គផ្ដាច់ព្រ័ត្របាត់ទៅហើយ ដោយមិនចាំបាច់អ៊ុតមើលលទ្ធផលនៅជើងទី២ទៀតនោះទេ។
Man City ដែលមានភាគរយខ្ពស់ឡើងទៅវគ្គផ្ដាច់ព្រ័ត្រនោះ នឹងត្រូវប៉ះក្រុម Chelsea ឬ Spurs ដែលក្រុមទាំងពីរនេះប៉ះគ្នាជើងទី១ គឺក្រុម Spurs ឈ្នះ Chelsea ក្នុងលទ្ធផល ១-០ ៕ប្រភពDailyMail
