ក្រោយពីចាប់ឆ្នោតយប់មិញនេះ ក្រុមបិសាចក្រហម Manchester United នឹងត្រូវផ្ញើដំណើរទៅទឹកដីរបស់ Arsenal ក្នុងការប្រកួតជុំទី៤ ពានរង្វាន់ FA Cup ។Ole Gunnar Solskjaer អ្នកចាត់ការបណ្ដោះអាសន្នរបស់ Man Utd បានបញ្ជាក់ថាលោករំពឹងយកពានរង្វាន់ FA Cup នេះ ក្នុងរដូវកាលដែលបានដឹកនាំបិសាចក្រហម។ យ៉ាងណាមិញ ក្រោយពីនិយាយដូច្នេះហើយ ឆ្លងកាត់ការចាប់ឆ្នោតយប់មិញ ក្រុម Man Utd ក៏ត្រូវប៉ះជាមួយ Arsenal ដែលជាក្រុមខ្លាំងមួយនៅជុំទី៤។
គេនៅចាំបានថាកាលលោក Solskjaer នៅជាកីឡាកររបស់ Man Utd ធ្លាប់លេងប៉ះ Arsenal ២ដងមកហើយ នៅវគ្គពាក់កណ្ដាលផ្ដាច់ព្រ័ត្រឆ្នាំ១៩៩៩និង២០០៤។ ដោយគ្រានោះ លោកជួយក្រុមទទួលបានជ័យជម្នះរហូតដែរ។ ដូច្នេះចាំមើលលើកទី៣នេះទៅមើល ដែលលោកនឹងត្រូវដឹកនាំក្រុមម្ដង ថាតើអាចនៅតែរក្សាលទ្ធផលល្អទៀតឬយ៉ាងណា? 
ប្រភព៖ DailyMail
