ក្រុម Manchester City ហាក់មិនបន្ធូរដៃអ្វីសោះ ដោយយកឈ្នះលើក្រុម Rotherham រហូតដល់ទៅ ៧-០ ឯណោះ ក្នុងពានរង្វាន់ FA Cup កាលពីយប់មិញ។
៧គ្រាប់កាលពីយប់មិញនេះ របស់ក្រុម Man City ធ្វើបានដោយកីឡាករ៧នាក់ផ្សេងគ្នាតែម្ដង។ ខណៈដែលលោក Pep បានដាក់កីឡាករមិនបានលេងប៉ះ Liverpool ឱ្យចូលបង្ហាញខ្លួនច្រើន។ បើមើលទៅមើលឈ្មោះរបស់ពួកគេវិញ សុទ្ធតែជាកីឡាករខ្លាំងៗ ទើបអាចរកបានគ្រាប់បាល់រហូតដល់ទៅ៧គ្រាប់យ៉ាងនេះ។
ជម្រើស១១នាក់ដំបូងរបស់លោក Pep ដាក់លេងយប់មិញនេះ ធ្វើឱ្យលោក Paul Warne ដែលជាអ្នកចាត់ការក្រុម Rotherham បាននិយាយថា៖ “គ្រាន់តែឃើញឈ្មោះពួកគេចូលលេង ខ្ញុំបានប្រាប់ទៅខ្សែការពាររបស់ខ្ញុំថា សូមញញឹមដើម្បីការប្រកួតនេះ។ យើងអាចចាញ់ ប៉ុន្តែមិនរងភាពអាម៉ាស់ទេ។ ក្រុម Premier League មកលេងនេះ គឺដើម្បីបានជ័យជម្នះត្រលប់ទៅវិញ។ សូមឱ្យពួកគេលេងដោយសប្បាយចិត្ត”៕ប្រភពDailyMail