ក្លឹប Arsenal កំពុងចរចាយកខ្សែបម្រើប្រយុទ្ធ Denis Suarez ពីក្រុម FC Barcelona ក្នុងតម្លៃខ្លួន២០លានផោននៅខែមករានេះ។
កីឡាករវ័យ២៤ឆ្នាំដែលជាថ្នាលយុវជនរបស់ Man City ធ្លាប់លេងក្រោមការដឹកនាំរបស់លោក Emery ម្ដងមកហើយកាលគ្រាដែលរូបគេត្រូវក្លឹប Sevilla ខ្ចីជើង និងលោក Emery នៅដឹកនាំកាលគ្រានោះ។ យ៉ាងណាមិញ នៅឆ្នាំ២០១៦រូបគេក៏បានសម្រេចចិត្តផ្លាស់ទៅលេងឱ្យ Barcelona ទៅ។ យ៉ាងណាមិញ កីឡាករអេស្ប៉ាញរូបនេះ ហាក់មិនសូវបានចូលលេងឡើយ ដោយរដូវកាលនេះទើបលេងបាន៦ប្រកួតប៉ុណ្ណោះ និងប្ដូរចូលបានម្ដងនៅ Champions League កាលលេងទល់ Spurs ។
ដោយសារតែធ្លាប់បង្ហាត់ដូច្នេះហើយ ទើបបានជាលោក Emery ចង់បាន Suarez មករួមក្រុមនៅខែមករានេះ ខណៈដែលក្រុមអ្នកមានបុណ្យឯណោះក៏មានចិត្តចង់លក់រូបគេចេញដែរ ព្រោះមិនចាំបាច់ក្នុងការប្រើឡើយ។ តម្លៃដែលគេជឿថានឹងអាចមានការផ្ទេរកើតឡើងនោះ គឺ២០លានផោន៕ប្រភពDailyMail
