• អ្នក​គាំទ្រ Chelsea ​បង្ហាញ​ក្ដី​គោរព​ដល់ Fabregas ​ក្នុង​ប្រកួត​ចុង​ក្រោយ

    Cesc Fabregas ​បាន​បង្ហាញ​ខ្លួន​ប្រកួត​ចុង​ក្រោយ​ឱ្យ​ក្រុម Chelsea ​កាល​ពី​យប់មិញ​នេះ ដោយ​យក​ឈ្នះ​លើ​ក្រុម Nottingham Forest ​ក្នុង​លទ្ធផល ២-០។

    យប់មិញ​នេះ​ជា​ប្រកួត​ទី​៥០១​របស់​ខ្សែ​បម្រើ​ខាង​លើ​ក្នុង​ការ​លេង​នៅ​លីគ​កំពូល​អង់គ្លេស គិត​ទាំង​ក្រុម Arsenal ​និង Chelsea ។ មួយ​វិញ​ទៀត ​យប់មិញ​ក៏​ជា​ការ​ប្រកួត​ចុង​ក្រោយ​របស់​កីឡាករ​ខាង​លើ​សម្រាប់​ក្រុម​តោ​ខៀវ​ផង​ដែរ។ កីឡាករ​វ័យ​៣១​ឆ្នាំ​ខាង​លើ​បាន​ប្ដូរ​ចេញ​នៅ​ចុង​ម៉ោង​នា​ការ​ប្រកួត​ទាំង​ភ្នែក ​ព្រោះ​ថា​សំឡេង​គាំទ្រ​របស់​អ្នក​គាំទ្រ​បាន​ស្រែក​ជូនពរ​ដល់​រូបគេ។

    Fabregas ​បាន​និយាយ​ថា​៖ “ពេល​វេលា​កាន់​តែ​ទៅ​មុខ។ វា​ហាក់​ដូចជា​ទើប​តែ​១​សប្ដាហ៍​ប៉ុណ្ណោះ​សម្រាប់​ខ្ញុំ ​ដែល​ខ្ញុំ​ចាប់​ផ្ដើម​លេង​បាល់ទាត់ ​ប៉ុន្តែ​ជាក់​ស្ដែង​បច្ចុប្បន្ន​នេះ​បើ​គិត​ទៅ​គឺ​១៥​ឆ្នាំ​មក​ហើយ។ វា​លឿន​ណាស់”។ ​បើ​គិត​តែ​ក្រុម Chelsea ​កីឡាករ​រូប​នេះ​លេង​បាន​១៩៨​ប្រកួត និង​រក​គ្រាប់​បាល់​បាន​២២​គ្រាប់​ផង​ដែរ៕ប្រភពDailyMail

     

    ភ្ជាប់ទំនាក់ទំនងជាមួយ CTS SPORT