• Maradona ​ចូល​បន្ទប់​វះ​កាត់​បន្ទាន់ ​ដោយសារ​បញ្ហា​ក្រពះ

    វីរបុរស​អាហ្សង់ទីន Maradona ​ត្រូវ​បញ្ជូន​ទៅ​មន្ទីរពេទ្យ​ដើម្បី​វះ​កាត់​បន្ទាន់ ​បន្ទាប់​ពី​លោក​មាន​បញ្ហា​ក្រពះ​ធ្ងន់ធ្ងរ ​មាន​ឈាម​ដក់​ក្នុង​នោះ។

    បុរស​វ័យ​៥៨​ឆ្នាំ​ខាង​លើ​បាន​ទៅ​ពិនិត្យ​សុខភាព​ដូច​រាល់​ដង​កាល​ពី​ម្សិលមិញ​នេះ។ ដោយ​ការ​ពិនិត្យ​នោះ ​គ្រូ​ពេទ្យ​បាន​រក​ឃើញ​មាន​ឈាម​ដក់​ក្នុង​ក្រពះ​របស់​អតីត​ខ្សែ​ប្រយុទ្ធ​ឆ្នើម​រូប​នេះ។ ដូច្នេះ​ហើយ ​ទើប​បាន​ជា​តម្រូវ​ឱ្យ​មាន​ការ​វះ​កាត់​មួយ​ជា​បន្ទាន់ ជៀស​វាង​មាន​គ្រោះ​ថ្នាក់​នានា​កើត​ឡើង​នៅ​ពេល​ខាង​មុខ។ ក្រុម​គ្រួសារ​របស់ Maradona ​ក៏​បាន​ទៅ​ដល់​មន្ទីរពេទ្យ​ដើម្បី​រង់​ចាំ​មើល​លទ្ធផល​នៃ​ការ​វះ​កាត់​នោះ​ដែរ។

    Maradona ​បច្ចុប្បន្ន​នេះ​កំពុង​ដឹក​នាំ​ក្រុម Dorados ​ក្នុង​លីគ​របស់​មិចសិកូ។ កន្លែង​ដែល​រក​ចាប់​ផ្ដើម​ការងារ​ជា​អ្នក​ចាត់ការ​វិញ ​ក្រោយ​ពី​ខកខាន​ប៉ុន្មាន​ឆ្នាំ​មក​នេះ៕ប្រភពDailyMail

     

    ភ្ជាប់ទំនាក់ទំនងជាមួយ CTS SPORT