Klopp បានស្គាល់បរាជ័យលើកដំបូងនៅរដូវកាលនេះហើយ ក្រោមថ្វីជើងរបស់ក្រុម Manchester City កាលពីយប់មិញ ក្នុងលទ្ធផល ២-១។បរាជ័យលើកដំបូងនេះ លោក Klopp មិនបានបន្ទោសកូនក្រុមនោះទេ ប៉ុន្តែចំណុចមួយដែលលោកមិនអស់ចិត្តនោះគឺ Kompany ដែលបានបង្កកំហុសលើ Salah គួរតែបានកាតក្រហម ប៉ុន្តែបែរជាមិនបានកាតទៅវិញ។ លោកពិតជាឆ្ងល់ខ្លាំងណាស់ ថាតើហេតុអ្វីបានជាអាជ្ញាកណ្ដាលមិនផ្ដល់កាតចំពោះកំហុសរបស់ខ្សែការពារ Man City នៅត្រង់នេះទៅវិញ។
លោកបាននិយាយក្រោយការប្រកួតថា៖ “ខ្ញុំពិតជាពេញចិត្ត Kompany ប៉ុន្តែតើមានរឿងអីកើតឡើងលើផែនដីនេះ ដែលគាត់មិនបានកាតក្រហម? គាត់នៅតែអាចបន្ដលេងបាន ហើយប្រសិនបើគាត់ធ្វើអីចឹងលើ Salah ខ្លាំងជាងនេះបន្តិចទៀត គាត់នឹងមិនអាចលេងបានរហូតចប់រដូវកាលបាត់ទៅហើយ។ Kompany សមណាស់នឹងបានកាតក្រហមនៅយប់មិញនេះ”។
ដោយឡែកសាមីខ្លួន Kompany បាននិយាយចំពោះការបង្កកំហុសនោះដែរថាខ្លួនគេបានប៉ះបាល់មុនប៉ះជើងរបស់ Salah ។ មួយវិញទៀតវាជាការប្រជែងយកបាន និងជាតួនាទីរបស់ខ្សែការពារ ហើយមិនមែនជាចេតនាធ្វើឱ្យ Salah របួសអ្វីនោះទេ៕ប្រភពbbc
