ក្រុម Manchester City បានផ្ដល់មេរៀនចាញ់ប្រកួតដំបូងរដូវកាលនេះឱ្យក្រុម Liverpool ស្គាល់ជាតិ ក្រោយបំបាក់ ២-១ កាលពីយប់មិញនេះ។
នៅទឹកដីរបស់ Man City ក្រុមរបស់លោក Pep ពិតជាធ្វើបានល្អ ដោយអាចទម្លាយសំណាញ់ទីរបស់ក្រុមហង្សក្រហមបានមុន នៅត្រឹមនាទី៤០ ដោយកីឡាករ Sergio Aguero ។ យ៉ាងណាមិញ ក្រុមភ្ញៀវ Liverpool ក៏បានព្យាយាមស្វែងរកគ្រាប់បាល់វិញដែរ ដោយនៅត្រឹមនាទី៦៤ Roberto Firmino ក៏បានរកគ្រាប់បាល់ស្មើវិញផងដែរ។ យ៉ាងណាមិញ ៨នាទីក្រោយមក Sane ក៏រកបាន១គ្រាប់ទៀត ដើម្បីទទួលបានជ័យជម្នះ ២-១ តែម្ដង។
បាន៣ពិន្ទុនេះ ធ្វើឱ្យ Man City ឡើងទៅចំណាត់ថ្នាក់លេខ២ក្នុងតារាងវិញ ហើយចាញ់ពិន្ទុក្រុមលេខ១ Liverpool នោះតែ៤ពិន្ទុប៉ុណ្ណោះ។ ដោយឡែក ចាញ់យប់មិញនេះក៏ជាការចាញ់លើកដំបូងរបស់ក្រុមហង្សក្រហមនារដូវកាលនេះផងដែរ៕ប្រភពDailyMail
