ក្រុម Real Madrid ខកខានការចាយលុយធំទិញយកកីឡាករមានតម្លៃថ្លៃកប់ពពកច្រើនឆ្នាំមកហើយ ដែលធ្វើឱ្យក្រុមទាំងមូលមិនមានការចំណាយច្រើនអ្វីគួរឱ្យកត់សម្គាល់ឡើយ។
យ៉ាងណាមិញ ក្រោយពី Ronaldo បានចាកចេញទៅ ក្រុមអធិរាជសហាក់ដូចជាមានទម្រង់លេងមិនល្អដូចមុននោះទេ។ ដោយសារតែពួកគេមិនបានទិញយកកីឡាករឆ្នើមណាម្នាក់មកជំនួសកន្លែងរបស់ Ronaldo ដែលទៅលេងនៅ Juventus ឡើយនៅដើមរដូវកាលនេះ។ ការខកខានចាយលុយច្រើនយូរយ៉ាងនេះ ធ្វើឱ្យអ្នកគាំទ្រគិតថាមិនយូរទៀតទេ ក្រុមដែលមានម្ចាស់ជាសេដ្ឋីនៅអេស្ប៉ាញនេះ នឹងបោះទុនធំយកកីឡាករល្អមកវិញជាមិនខាន។
នៅដើមឆ្នាំ២០១៩នេះដែរ ប្រភពមួយនៅអេស្ប៉ាញបានចុះផ្សាយថា លោក Perez ដែលជាប្រធានក្លឹបកំពុងរៀបចំគម្រោងមួយហើយ។ គម្រោងនោះគឺលោកនឹងលក់កីឡាករបច្ចុប្បន្នចេញ៤នាក់ឯណោះ ដើម្បីធ្វើយ៉ាងណាឱ្យបានលុយទៅទិញយកកីឡាករ៣នាក់មកវិញ ដែលមានតម្លៃប្រមាណជា៥០០លានអឺរ៉ូ។ ៤នាក់ដែលក្លឹបចង់លក់ចេញនោះរួមមាន Gareth Bale, Karim Benzema, Marco Asensio និង Mariano Diaz ។ ដោយឡែកសម្រាប់កីឡាករដែលក្លឹបកំពុងចង់នាំចូលមកវិញរួមមាន Eden Hazard , និង Neymar ឬ Mbappe ក៏បាន៕ប្រភពFoxsportsasia
