ក្រុម Monaco ដឹកនាំដោយលោក Henry ចង់បានខ្សែបម្រើ Cesc Fabregas ទៅរួមក្រុមនៅខែមករានេះ ដើម្បីរក្សាខ្លួននៅលីគកំពូលបារាំងឱ្យបាន។
Fabregas តាំងពីលោក Sarri មកដឹននាំក្រុម Chelsea មក មិនមានឱកាសបានបង្ហាញសមត្ថភាពពេញលេញនោះទ។ ជាក់ស្ដែង ក្លឹបក៏បានបង្ហើបពីគម្រោងបញ្ចេញរូបគេចេញនៅខែមករាឆ្នាំនេះដែរ ក្រោយពីបង្ហាញខ្លួនទើបបាន១ដងគត់។ កុងត្រារបស់គេនៅជាមួយក្រុមតោខៀវគឺត្រូវអស់នៅដាច់រដូវកាលនេះ ប៉ុន្តែក្លឹបចង់លក់គេចេញនៅខែមករា ដើម្បីបានប្រាក់ខ្លះមកវិញ។
អ្នកចាត់ការក្រុម Monaco លោក Henry នោះ គឺជាអតីតមិត្តរួមក្រុមរបស់ Fabregas កាលគ្រានៅ Arsenal ។ ដូច្នេះ ការផ្ទេរទៅរបស់ Fabregas អាចនឹងកើតមានឡើងជាក់ជាមិនខាន ប្រសិនបើការចរចាប្រាក់ខែត្រូវរ៉ូវគ្នា ក៏ដូចជាតម្លៃផ្ទេរដែលសល់កុងត្រាត្រឹមពាក់កណ្ដាលរដូវកាលនេះ៕ប្រភពDailyMail